• Copyright

    <span>Copyright</span>

    © 2019 Historia Ime

April 10, 2026
LGBTI+  / SLIDER BALLINA  / Te Drejtat e Njeriut
Presidenti polak dëshiron të miratojë ligjin kundër “propagandës gej”
Redaksia Posted On 12/11/2018


Presidenti i Polonisë, Andrzej Duda u shpreh se po konsideron të miratojë një ligj që do të ndalojë “propagandën gej”, që nënkupton prhapjen e informacioneve që lidhen me homoseksualitetin dhe çështje të komunitetit LGBT+.

Duda e tha deklaratën gjatë një interviste në gazetën lokale “Nasz Dziennik”. Ai u shpreh më tej se do të ndalonte shpërndarjen e këtij informacioni në të gjitha shkollat dhe organizatat. “Mendoj se kjo lloj propagande nuk duhet të jetë pjesë e sistemit shkollor por duhet eleminuar” u shpreh presidenti polak.

Ai vijoi më tej duke shprehur aprovimin e tij për miratimin e një ligji që do të ndalonte atë që ai e cilëson si “propagandën gej”. Nëse ky ligj miratohet atëhere do të bëhet shumë i ngjashëm me ligjin që është aplikuar në Rusi. Ligji në Rusi garanton mbrojtjen e fëmijëve nga ekspozimi me homo-normativitetin që cënon vlerat e familjes tradicionale.

Ky diskutim ka nisur në Poloni pas publikimit të lajmit se një numër shkollash do të zhvillonin një aktivitet “Rainbow Friday”. Ky aktivitet synon promovimin e të drejtave LGBT+ në shkolla. Pavarësisht kësaj, shumë shkolla anuluan planet pasi qeveria polake urdhëroi anullimin e këtyre aktiviteteve në shkolla. Konkretisht Ministrja e Arsimit, Anna Zalewska u shpreh se të gjitha shkollat që do të zhvillonin këto aktivitete do të ballafaqoheshin me pasoja./k.m/

Burimi: PinkNews


Continue Reading
0


Shendetesi  / SLIDER BALLINA
Rishfaqet sëmundja e Ebolës në Afrikë
Redaksia Posted On 12/11/2018


Sëmundja vdekjeprurëse e Ebolës duket se është rishfaqur në Afrikë. Këtë rradhë Republika Demokratike e Kongos po përballet me shpërthimin më të keq të Ebola në historinë e vendit dhe shifrat e zyrtarëve vendas flasin për një situatë që pritet të përkeqësohet.
Më shumë se 200 njerëz kanë vdekur nga sëmundja që nga gushti dhe pothuajse 330 raste të konfirmuara ose të mundshme janë raportuar.

Ky shpërthim – i dyti dhe më i madhi këtë vit – filloi në provincën e Kivuut të Veriut përpara se të përhapet në provincën Ituri në lindje të vendit. Është e dhjeta herë që nga viti 1976 që Ebola ka goditur Republikën Demokratike të Kongos.
Ministri i Shëndetësisë tha të djelën se dhuna ndaj zyrtarëve shëndetësorë dhe civilëve nga grupet militante që luftojnë për kontroll në rajonin e prekur, kanë penguar përpjekjet për të mbajtur në kontroll shpërthimin e epidemisë.
Dy punëtorë shëndetësor vdiqën në një sulm, sipas ministrit, ndërsa muajin e kaluar 11 civilë dhe një ushtar u vranë në Beni, një qytet me 800,000 banorë, që është njëkohësisht dhe epiqendra e epidemisë.

Kongo ka kohë që është rrënuar nga paqëndrueshmëria politike, dhe ndërsa vendi përgatitet të mbajë zgjedhje të përgjithshme gjatë muajit të ardhshëm, situata është veçanërisht problematike dhe delikate.
Muajin e kaluar, OBSH vendosi që shpërthimi aktual i Ebolas në Kongo nuk plotësonte kriteret për një emergjencë të shëndetit publik me interes ndërkombëtar.
Këtë muaj, organizata tha se 27,000 njerëz ishin vaksinuar kundër Ebola në vend, por vunë në dukje se punëtorët e OBSH-së shpesh përballeshin me rezistencë nga disa komunitete për t’u lejuar atyre të vaksinojnë dhe varrosin të vdekurit për shkak të çështjeve të besimit dhe dezinformatave./k.j

Burimi:CNN


Continue Reading
0


SLIDER BALLINA  / Te Drejtat e Njeriut
Kompanitë ndërkombëtare nuk përmbushin standardet e mbrojtjes së të drejtave të njeriut
Redaksia Posted On 12/11/2018


Kompani të mëdha shumëkombëshe në industrinë e nxjerrjes së burimeve, bujqësisë dhe veshjeve nuk po tregojnë angazhim mjaftueshëm për mbrojtjen e të drejtave të njeriut, sipas një studimi të bazuar në parimet e Kombeve të Bashkuara.

Studimi, i realizuar nga një organizatë në Mbretërinë e Bashkuar, bazohet në përmbushjen e kritereve të parapërcaktuara për bizneset, të ndërtuara mbi Parimet Udhëheqëse të OKB-së mbi Biznesin dhe të Drejtat e Njeriut. Gjithashtu në përllogaritjet e tyre, përfshihen dhe informacione të disponueshme për publikun për çështje të tilla si puna e detyruar, mbrojtja e aktivistëve për të drejtat e njeriut dhe paga minimale e deklaruar. Dy të tretat e kompanive shënuan një rezultat me më pak se 30% të objektivave të përmbushura në total, tregoi studimi. Mesatarisht, kompanitë ndërkombëtare arritën të përmbushin kriteret deri në masën 27%. Në studimin e shkuar, të publikuar në vitin 2017, rezultati mesatar ishte 18%.

Prada, Starbucks dhe Kraft Heinz janë disa prej kompanive të kritikuara për mungesë të transparencës në fushën e të drejtave të njeriut, pavarësisht presionit nga qeveritë përkatëse për të ndryshuar kushtet e punës dhe praktikat e përdorura./ k.j

Burimi:WSJ


Continue Reading
0


Ndodhi sot  / SLIDER BALLINA
Banorët e Unazës së Re zhvendosin protestën përpara Bashkisë së Tiranës
Redaksia Posted On 12/11/2018


Banorët e zonës së ‘Unazës së Re’ kanë zhvendosur protestën ditën e sotme në sheshin para Bashkisë së Tiranës, duke kërkuar reagimin e institucioneve për situatën e krijuar prej ditësh. Ata kanë lëshuar një lumë akuzash në drejtim të qeverisë teksa protestojnë, në shenjë kundërshtimi për shembjen e banesave të tyre.  Me thirrje në kor; “Poshtë diktatura, shtëpitë tona janë me gjak. Turp, turp…”, protestuesit qëndrojnë para bashkisë në pritje të një takimi me kryebashkiakun Erion Veliaj.

Ndërkohë ata mbajnë në duart edhe pankarta, mesazhe këto drejtuar qeverisë si dhe kryeministrit Edi Rama.

““Shqiponjën e hoqe ne nuk na heq dot”, “Lali Eri ky je fshehur?”, “Shtëpitë tona do ti mbrojmë me duart tanë”, “S’kemi frikë nga presioni i qeverisë””, thuhet në pankartat që mbajnë në duart protestuesit, të cilën shprehen se nuk do të pranojnë shembjen e shtëpive të tyre deri të dëmshpërblehen 100%. Në projektin zyrtar deklarohet prishja e rreth 300 objekteve, ndërsa banorët deklarojnë një numër më të madh objektesh të rrezikuara nga prishja, rreth 490.

Autoritetet vazhdojnë të heshtin, ndërkohë që punimet për zgjerimin e rrugës kanë filluar në rrethrotullimin e njohur si “Shqiponja”, ku para dy ditësh u hoq dhe monumenti i Shqiponjës, një tjetër veprim që ngjalli jo pak debat në opinionin publik. / k.j

Burimi i fotove: Balkanweb

Continue Reading
0


LGBTI+  / SLIDER BALLINA  / Te Drejtat e Njeriut
Itali/ Largohet nga jeta lezbikja e parë që doli hapur në publik
Redaksia Posted On 12/11/2018


Mariasilvia Spolato ishte gruaja e parë në Itali që doli hapur si lezbike. Ajo u largua nga jeta në moshën 83 vjeçare. Spolato u largua nga jeta javën e kaluar, në një spital në Itali ku ajo qëndronte e shtruar vitet e fundit.

Spolato lindi në vitin 1935. Ajo punoi si pedagoge në universitet si dhe shkroi disa libra për studentët. Në fillim të viteve 1970 ajo ishte një prej themeluesve të Frontit Revolucionar të Homoseksualëve. Në 8 mars 1972 me qindra njerëz protestuan në Romë për ditën ndërkombëtare të grave. Spolato e cila ishte pjesë e protestës së zhvilluar në këtë ditë tërhoqi vëmendje me pankartën “Liberalizimi për homoseksualët”.

Pas qarkullimit të fotos së saj me pankartën në media e më gjerë, ajo u pushua nga puna si lektore universiteti si dhe familjarët e saj e distancuan. Pasi humbi punën dhe familjen ajo mbeti e pastrehë. Ajo mbeti e pastrehë për shumë vite, derisa nisi gangrena në njërën këmbë. Ajo u vendos pranë një qendre sociale për të pastrehët.

Edhe pse opionin publik ka ndryshuar drastikisht rreth homoseksualitetit në Itali, personat LGBT+ nuk gëzojnë të drejta të plota në Itali. Martesat brenda së njëjtës gjini mbeten ilegale./k.m/

Burimi: Pink News


Continue Reading
0


Edukimi  / LGBTI+  / SLIDER BALLINA
Skocia do të bëhet vendi i parë në botë ku çështjet LGBT do të përfshihen në kurrikula mësimore
Redaksia Posted On 11/11/2018


Skocia do të bëhet vendi i parë në botë, ku çështjet LGBT do të jenë të përfshira në mësimet e shkollës.

Qeveria skoceze do të shtojë temat LGBT në planprogramin kombëtar të vendit, që do të thotë që të gjithë nxënësit e shkollave shtetërore do të marrin mësime në çështjet e barazisë dhe identitetit me të cilat ballafaqohet komuniteti LGBT. Ndryshimet do të mundësohen falë rekomandimeve të bëra në një raport nga Grupi shtetëror i Punës për Arsimin Gjithëpërfshirës, të porositur disa muaj më parë nga qeveria.

Mësimet do të përfshihen në lëndë të ndryshme dhe temat do të përfshijnë trajtimin e homofobisë, biphobisë dhe transfobisë dhe ndërgjegjësimin për historinë e lëvizjeve LGBT.

Autoritetet kanë rekomanduar gjithashtu monitorimin dhe inspektimet shkollore në lidhje me mbrojtjen e individëve LGBT dhe regjistrimin specifik të incidenteve të ngacmimit në shkolla./ k.j

Burimi: euronews


Continue Reading
0


Ndodhi sot  / SLIDER BALLINA
Lufta në Jemen: vendi në krizë humanitare
Redaksia Posted On 09/11/2018


Jemeni është zyrtarisht në zi buke. Shteti i dobët i Lindjes së Mesme, është në kulmin e një krize humanitare, që kur kryengritjet kundër regjimit gjatë pranverës arabe, u kthyen në një luftë civile dhe më pas në një konflikt rajonal që përfshiu Arabinë Saudite dhe Emiratet e Bashkuara Arabe.

Gjatë dekadës së fundit, problemet në Jemen kanë ardhur duke u shtuar. Luftimet e vazhdueshme, sanksionet politike dhe paqëndrueshmëria politike, kanë sjellë një situatë ku tetë milionë njerëz janë në prag të urisë. Zyrtarët e OKB thonë se numri mund të rritet shpejt në më shumë se 12 milionë, rreth gjysmën e popullsisë së Jemenit, përveç nëse luftimet ndalen.
Pothuajse gjysmë milioni fëmijë të Jemenit janë kronikisht të kequshqyer; shumë prej tyre kanë gjasa të vdesin brenda disa muajve të ardhshëm nëse konflikti vazhdon. Kolera (ka pasur 13,000 raste të raportuara vetëm në tetor) dhe sëmundje të tjera janë kthyer në një rrezik për popullsinë, përpos urisë.

Kriza duket se po shqetëson dhe shtetet perëndimore, për shkak të potencialit të saj për të [ërkeqësuar situatën në rajon. Sekretari Amerikan i Mbrojtjes Jim Mattis tha javët e fundit se negociatat për një armëpushim duhet të fillojnë brenda një muaji, ndërsa Sekretari i Shtetit Pompeo tha se sulmet me raketa në tokën Saudite duhet të ndalen dhe njëkohësisht “sulmet ajrore të koalicionit duhet të pushojnë në të gjitha zonat e populluara në Jemen”.
Britania e Madhe, një furnizues i madh i armëve për sauditët, i bëri jehonë mesazhit amerikan.
I dërguari i OKB-së në Jemen, Martin Griffiths, organizoi bisedime në Zvicër në shtator, por delegacioni i rebelëve Houthi refuzoi të marr pjesë, duke cituar shqetësimet e sigurisë. Një tjetër përpjekje është planifikuar në Suedi javët e ardhshme. / k.j


Continue Reading
0


Feminizmi  / SLIDER BALLINA  / Te Drejtat e Njeriut
Aktivistët katolikë zhvillojnë fushatën kundër abortit në Kroaci
Redaksia Posted On 09/11/2018


Në Kroaci debati rreth abortit mbetet një temë delikate dhe aktivistët kundër abortit përdorin metoda të ndryshme komunikimi për të lobuar në favor të abortit. Disa prej tyre janë aktivistët katolikë të cilët zhvillojnë lutje përballë godinave të spitaleve. Këtë herë ata po shpërndajnë një dokumentar për të privuar të drejtën e abortit.

Dokumentari me titull “40 days for Life” rrëfen historinë e grave që zhvillojnë abort si dhe të gjitha gratë që kanë vuajtur nga plagët e abortit. Sipas autorit të dokumentarit, një ndër problemet më të mëdha që ka shoqëria kroate janë abortet.

Ky dokumentar është pjesë e një fushate globale katolike e cila lobon kundër abortit. Zakonisht zhvillohet dy herë në vitdhe zgjat për një periudhë prej 40 ditësh. Në të përfshihen lutje përballë spitaleve për të shpëtuar bebet që i janë nënshtruan abortit. Më poshtë gjendet dokumentari:

Lutjet e zhvilluara përballë spitaleve janë konsideruar kontroversiale dhe shumë shoqata feministe kanë kërkuar pezullimin e tyre. Shumë kinema në Kroaci kanë refuzuar shfaqjen e këtij dokumentari./k.m/

Burimi: NewsMavens


Continue Reading
0


LGBTI+  / SLIDER BALLINA  / Te Drejtat e Njeriut
Tunizia shton arrestimet e personave LGBT
Redaksia Posted On 09/11/2018


Qeveria e Tunizisë është duke u përballur me akuzat e organizatës Human Rights Watch, se ka konfiskuar dhe kontrolluar telefonat celularë të njerëzve që dyshohet se janë homoseksualë, duke i urdhëruar gjithashtu ata tu nënshtrohen testimit anal. Sipas HRW, prokurorët tunizianë po përdorin informacion për të ndjekur penalisht personat LGBT e kryesisht meshkujt gej, nën ligjet e ashpra të sodomisë.

Marrëdhëniet brenda të njëjtit seks në Tunizi mund të dënohen deri në tre vjet burg.

“Autoritetet e Tunizisë nuk kanë asnjë të drejtë të ndërhynë në praktikat seksuale private të njerëzve, duke i brutalizuar dhe poshtëruar ata nën maskën e zbatimit të ligjeve diskriminuese”, tha Amna Guellali, drejtoreshë e Human Rights Watch në Tunizi.

“Tunizia duhet të heqë ligjet e vjetëruara të anti-sodomisë dhe të respektojë të drejtën e secilit për privatësi.”
HRW thotë se ka folur me gjashtë burra që u përndoqën për sodomi vitet e shkuara. Ata deklaronin se ishin keqtrajtuar nga policia dhe se ju ishte refuzuar e drejta e një avokati dhe e një procesi të drejtë gjyqësor, duke u detyruar dhe të pranojnë rrëfime të rreme.
Tre prej tyre kanë lënë që nga Tunizia dhe kanë aplikuar për azil në vendet evropiane.

Ndërsa Tunizia konfirmoi se do të ndalonte ekzaminimet e detyruara në shtatorin e kaluar, HRW tha se qëndrimi ishte “jo i besueshëm”. Grupi i të drejtave të njeriut tha se gjykatat ende mund të urdhërojnë një testim të tillë, një veprim që rrezikon personat që nuk pranojnë të kryejnë testimin, duke i deklaruar ato menjëherë fajtorë. Qeveria e Tunizisë ka refuzuar tu përgjigjet akuzave dhe ka anashkaluar rekomandimet për ndryshimin dhe ndalimin e ligjit të sodomisë./ k.j

Burimi: CNN


Continue Reading
0


Feminizmi  / SLIDER BALLINA  / Te Drejtat e Njeriut
Ngacmimet seksuale/ Studentët e Universitetit të Prishtinës në protestë kundër profesorit
Redaksia Posted On 08/11/2018


Një protestë kundër ngacmimeve seksuale është zhvillua nga studentë të Universitetit të Prishtinës së bashku me Organizatën për Rritjen e Cilësisë në Arsim (ORCA). Protesta është zhvilluar në oborrin e rektoratit kundër dhënies së gradës “profesor i rregullt” për pedagogun Milaim Sejdini.

Mbi profesor Sejdinin rëndojnë akuzat e shkeljes disiplinore si dhe ngacmimit seksual. Sipas burimeve pranë “Ekonomia online” Milaim Sejdini ka ngacmuar seksualisht një studente e cila ishte kandidante për doktoraturë asokohe.

“Ne jemi mbledhur në këtë tubim protestues për të kërkuar pezullimin e profesor Sejdini dhe hetimin për akuzat që rëndojnë mbi të. Mbi të rëndojnë akuzat e falsifikimit të nënshkrimit, për plagjiaturë si dhe abuzim seksual, ndërkaq senati i Prishtinës pritet të lidhi kontratë të përhershme me profesorin në fjalë” shprehet një prej studentëve protestues.

Donika Hoti, një tjetër studente pranë Universitetit të Prishtinës u shpreh se një profesor i tillë nuk meriton të ketë një kontratë me universitetin. “Ndaj Milaim Sejdinit janë ngritur tri akuza, njëra më e rëndë se tjetra: për plagjiaturë, për falsifikim dhe për ngacmim seksual ndaj një studenteje” u shpreh studentja Hoti.

Protestuesit kanë kërkuar nisjen e hetimeve për të gjitha akuzat ndaj tij, si për plagjiaturë, falsifikim dhe ngacmim seksual./k.m/

Burimi: Insajderi


Continue Reading
0


MEDIA  / SLIDER BALLINA  / Te Drejtat e Njeriut
Sistemi gjyqësor në Bosnje-Hercegovinë kufizon informacionin për krimet e luftës
Redaksia Posted On 08/11/2018


Gjykatat në Bosnje dhe prokurorët po e kufizojnë aksesin për informimin rreth dosjeve të krimeve të luftës, duke e bërë akoma dhe më të vështirë raportimin rreth krimeve të luftës si dhe çështjeve të korrupsionit, edhe pse legjislacioni dëfton se këto gjyqe janë të hapura për të gjithë.

Rreth 15 vite pas reformimit të sistemit gjyqësor në Bosnje-Hercegovinë, gjykatat dhe trupi gjykues nuk e aplikojnë ligjin njësoj, sidomos kur vjen puna tek transparenca. Seancat gjyqësore të zhvilluara regjistrohen pjesërisht dhe gazetarët ende ndeshen me vonesa kur shtrojnë kërkesën për këto gjyqe.

Mervan Mirascija nga “Open Society Fund” e cila monitoron sistemin gjyqësor në vend, u shpreh se transparenca e sistemit gjyqësor është një element i rëndësishëm për të garantuar drejtësinë në vend.

“Ne jetojmë në një vend që është akoma duke mbajtur të fshehtë të kaluarën, edhe pse kanë kaluar tashmë 25 vite që prej përfundimit të luftës. Ky vend ka nevojë për të vërtetën në drejtësi në mënyrë që shoqëria të ketë mundësi të arrijë progresin. Fatkeqësisht, aksesi në informacion minimizohet çdo vit. Ky është një fenomen shqetësues” u shpreh Mirascija.

“Media luan një rol të rëndësishëm në komunikimin e krimeve të luftës për të garantuar informimin e publikut për viktimat e luftës dhe abuzimin me të drejtat e njeriut gjatë asaj periudhe” u shpreh një gazetare pranë BIRN Bosnja-Hercegovina./k.m/

Burimi: BIRN Bosnje-Hercegovinë


Continue Reading
0


Shendetesi  / SLIDER BALLINA
Kosova, e para në Europë për vdekjet nga ndotja e ajrit
Redaksia Posted On 08/11/2018


Tre shtete të Ballkanit, Kosova, Serbia dhe Maqedonia kryesojnë në Europë për nivelin e lartë të vdekjeve nga ndotja e ajrit, në raport me popullsinë.

Të dhënat, për vdekjet në vlerë absolute, janë publikuar së fundmi nga Agjencia Europiane e Mjedisit në raportin “Cilësia e ajrit në Europë – 2018” dhe janë përpunuar nga Revista Monitor në raport me popullsinë e vendeve përkatëse. Informacioni i referohet vitit 2015.

Kosova kishte 3,700 vdekje nga ajri i ndotur, që duke pasur parasysh popullsinë e saj prej vetëm 1.8 milionë banorësh e rendit atë të parën në Europë, ku ajri i ndotur ka bërë që të humbin jetën 0.2% e popullsisë. Në Serbi, ky tregues është 0.18% (rreth 13 mijë vdekje)  dhe në Maqedoni  0.14% e popullsisë (3,000 vdekje), duke u renditur përkatësisht në vend të dytë dhe të tretë në Europë.

Shqipëria, ndryshe nga shtetet e tjera të Ballkanit, rezulton të ketë një nivel relativisht të ulët të vdekjeve të shkaktuara nga ajri i ndotur, që llogariten në 1400 persona në vit, ose 0.05% e popullsisë, duke u renditur e 29-a në Europë, nga 37 shtete gjithsej.

Në vlerë absolute, vdekjet më të mëdha janë në Gjermani dhe Itali, përkatësisht 62.3 mijë dhe 60 mijë persona. Nuk është befasuese që Gjermania të ketë shifër të lartë, duke pasur parasysh se ka popullatën më të madhe të çdo vendi të BE-së. Por nëse llogariten vdekjet e lidhura me ndotjen e ajrit për 100,000 banorë, vende si Bullgaria, Rumania dhe Hungaria e kanë këtë tregues shumë më keq.

Të dhënat sugjerojnë se, bazuar në përqendrimet e matura në stacionet e sfondit urban dhe në periferitë, Kroacia ishte gjithashtu mbi detyrimin e përqendrimit të ekspozimit  të ndotësve të vlerësuar prej 21 pg / m3. Vende të tjera që vlerësohen me ndotje në ajër mbi 20 pg / m janë Serbia (23 pg / m3, të dhënat vetëm për 2016), Shqipëria (25 pg / m3, 2015-2016), Kosova9 (27 pg / m3, 2015-2016), Bosnja dhe Hercegovina (33 pg / m3, 2016), dhe Ish-Republika Jugosllave e Maqedonisë (52 pg / m3, 2015-2016). Sipas këtyre të dhënave, Maqedonia rezulton vendi me ndotjen më të lartë në Ballkan, e ndjekur nga Kosova, më pas nga Shqipëria.

Transporti rrugor është një nga burimet kryesore të Europës për ndotjen e ajrit, sidomos të ndotësve të dëmshëm si dioksidi i azotit dhe grimcat, sipas  ‘Cilësia e ajrit në Europë – raporti i vitit 2018’ nga Agjencia Europiane e Mjedisit.  Emetimet nga bujqësia, prodhimi i energjisë, industria dhe konsumi i familjeve po kontribuojnë gjithashtu në ndotjen e ajrit. Raporti paraqet të dhënat më të fundit zyrtare të cilësisë së ajrit të raportuara nga më shumë se 2 500 stacione monitorimi në të gjithë Europën në 2016./ k.j

Burimi: Revista Monitor

 


Continue Reading
0


Ndodhi sot  / SLIDER BALLINA  / Te Drejtat e Njeriut
Protesta e banorëve të Astirit dhe mospërfillja e qytetarëve në vendimmarrjen lokale
Redaksia Posted On 08/11/2018


Vazhdon prej disa ditësh protesta e banorëve të zonës së Astirit në Tiranë, shtëpitë e të cilëve do të prishen për shkak të zgjerimit dhe rehabilitimit të plotë të Unazës së Re. Që prej ditës së shtunë, banorët po ngrihen në protesta të përditshme ndaj një vendimi të pakonsultuar më parë dhe të përsëritur nga Bashkia Tiranë.

Banorët kanë vendosur të bllokojnë Unazën e Re, në shenjë proteste, derisa dikush tu japë llogari mbi procesin e vlerësimit të pronës dhe investimit të tyre.

Situata është e përsëritur. Fillimisht u zhvendosën banorët përgjatë gjurmës së Bulevardit të ri, më pas banorët e zonës së Bregut të Lumit, pjesa më e madhe e tyre individë të komunitetit rom. Menjëherë pas zgjedhjeve të përgjithshme rradha ishte e banorëve të Shkozës, e sot pas një viti,  para disa ditësh u njoftua plani i zgjerimit të Unazës së Re, i cili synon një zgjerim të rrugës e prishjen e qindra bizneseve dhe banesave. Në projektin zyrtar deklarohet prishja e rreth 300 objekteve, ndërsa banorët deklarojnë një numër më të madh objektesh të rrezikuara nga prishja, rreth 490.

Në kushte normale, vendimmarrje të tilla duhet të konsultohen fillimisht me publikun, përmes përfaqësuesve vendorë dhe administratorëve lokalë të zonës. Banorët akuzojnë vendimin si të padrejtë dhe janë gjetur të papërgatitur për tu zhvendosur apo për të transferuar aktivitetin e tyre tregtar diku tjetër. Disa prej tyre kanë kërcënuar dhe me përshkallëzim të protestave dhe vetëflijim.

Disa nga banorët i kanë banesat dhe bizneset të legalizuara ndërsa shumica i ka ato në proces. Projekti parashikon të lidhë shkollën Teknologjike me sheshin Shqiponja dhe përbëhet prej dy korsive vajtje-ardhje prej 11.5 metra. Parashikohet të jenë tre korsi aktive sipas standardeve europiane 2 nga 3.75 m njëra dhe një tjetër për emergjenca prej 3 metra./ k.j

 


Continue Reading
0


Media  / SLIDER BALLINA  / Te Drejtat e Njeriut
Pritet takimi i radhës i presidentëve Vuçiç-Thaçi në Bruksel
Redaksia Posted On 07/11/2018


Drejtuesja e kabinetit për politikën e jashtme me BE, Federica Mogherini u shpreh se ajo do të zhvillojë një raund të ri për dialogun midis Kosovës dhe Serbisë (presidentëve përkatës) ku do t’iu kërkohet një punë më intense në normalizimin e raporteve midis dy vendeve.

Ky takim pritet të zhvillohet në datën 8 nëntor midis presidentit të Serbisë, Aleksandar Vucic si dhe presidentit kosovar, Hashim Thaci. Dy liderët priten të konfirmojnë gatishmërinë për të intensifikuar përpjekjet për të nënshkruar një marrëveshje që është obliguese nga ana ligjore për normalizimin e marrëdhënies, e cila është e një rëndësie të veçantë në rrugën drejt Evropës.

Dy presidentët do të takohen për të parën herë pas anullimit të papritur të Vucic të takimit me homologun e tij kosovar. Ky takim ishte planifikuar të zhvillohej në Bruksel, pas zhvillimit të një takimi bilaterial mes Vucic dhe Mogherini.

Kosova e deklaroi pavarësinë nga Serbia në 2008. Që prje atëhere politikanët serbë janë përbetuar se pranimi I pavarësisë së Kosovës nuk do të bëhet asnjëherë. Gjithsesi të dyja vendet janë mbrapa dhe nën presion për të zgjidhur konfliktin i cili po zgjat më shumë se një dekadë. Ky konflikt dhe zgjidhja e tij përbën një nga kriteret për rrugën drejt anëtarësimit në BE./k.m/

Burimi: Balkan Insight


Continue Reading
0


LGBTI+  / SLIDER BALLINA  / Te Drejtat e Njeriut
10 burra arrestohen në Tanzani për shkak të homoseksualitetit
Redaksia Posted On 07/11/2018


Sipas organizatës ndërkombëtare “Amnesty International”, policia zhvilloi një mësymje pranë plazhit me emër Pongwe Beach në Tanzani, duke arrestuar disa burra mbrëmjen e së shtunës (3 nëntor).

Gjashtë të tjerë arritën të arratisen, duke u larguar nga vendngjarja. Të arrestuarit po mbahen në stacionin policor në Chakwal në Unguja. Asnjë akuzë nuk është bërë akoma ndaj tyre. Martesat gej ende mbeten ilegale në vend dhe mund të ballafaqohen me burgim të përjetshëm në Tanzani nëse personat homoseksualë kryejnë marrëdhënie seksuale.

Sipas organizatës, këta djem janë arrestuar pasi dyshohet se kanë kryer marrëdhënie seksuale. Policia ka raportuar se djemtë ishin ulur pranë njëri tjetrit në çifte. Seif Magango, drejtues i Amnesty International për rajonin e Afrikës Lindore i bëri apel autoriteteve tanzaniane për lirimin e të arrestuarve.

“Kjo mësymje ndaj komunitetit në Tanzani dëshmon për mungesën e respektimit të të drejtave të njeriut në Tanzani, e nxitur prej retorikës diskriminuese që buron nga qeveria” u shpreh Magango. Ky i fundit u shpreh se tahsmë ekziston rreziku se këta të arrestuar do ti nënshtrohen një ekzaminimi anal./k.m/

Burimi: Pink News


Continue Reading
0