Sipas një studimi të fundit nga Global Finance mbi sigurinë, rrezikun nga fatkeqësitë natyrore dhe trazirat politike, Shqipëria renditet e fundit në rajon.
E renditur në vendin e 69, nga 128 shtete në total të përfshira në studim, vendi ynë mban shkallën më të ulët krahasuar me fqinjët rajonale të cilët përkatësisht renditen: Bosnja e Hercegovina e 56-a, Serbia e 58-a, Maqedonia e 59-a.
Rezultati i sigurisë në mënyrë të barabartë për secilin shtet peshon tre faktorë: lufta dhe paqja, siguria personale dhe rreziku natyror i fatkeqësive.
Rezultati i sigurisë përmbledh indekset nga këto tre rreziqe, duke paraqitur kështu një pamje gjithëpërfshirëse të sigurisë për secilin vend.
Sigurisht, një nivel i lartë i rrezikut në një faktor do të ketë efekt të kufizuar në renditjen e përgjithshme të vendit.
Për shembull, Filipinet renditen më pak të sigurta, ndërsa Jemeni renditet i dyti si më pak i sigurt. Kjo mund t’i atribuohet faktit që Filipinet kanë rezultate të dobëta në paqe, siguri dhe prevalencë të fatkeqësive natyrore. Rezultati i Jemenit është për shkak të luftës dhe urisë, por vendi ka një rrezik shumë të ulët të fatkeqësive natyrore. Kështu, Filipinet renditen më poshtë se Jemeni edhe pse Jemeni është një zonë lufte.
16 nga 20 vendet më të sigurta janë të vendosura në Evropë, ndërkohë që vetëm Katari, Singapori, Zelanda e Re dhe Kanada renditen në 20 vendet e para, pa qenë në Evropë, sipas Global Finance. SHBA-të renditen saktësisht në mesin e 65-të, pra prapa kolegëve të saj ekonomikisht të zhvilluar. Kjo për shkak se rreziku nga krimi i dhunshëm në SHBA është më i lartë për shkak të shkallës më të lartë të vrasjeve, duke ulur kështu sigurinë personale dhe sigurinë në tërësi./k.j
Burimi: Monitor.al
