Paditë ndaj BIRN dhe Artan Ramës/ Qendra Europiane për Lirinë e Shtypit reagon ashpër!

Biznesmeni Mirel Mërtiri para disa javësh ka dorëzuar një kërkesë-padi në Gjykatën e Tiranës ndaj Birn Albania.

“Mërtiri kërkon fshirjen e shkrimit “Politika pas plehrave: Kush është biznesmeni në hije i monopolit të inceneratorëve” si dhe përgënjeshtrimin e tij nga Reporter.al. Mërtiri kërkon gjithashtu një dëmshpërblim për dëm jopasuror.”-shkruajti BIRN pas padisë së Mërtitit.

Në lidhje me këto padi, ka reaguar ashpër Qendra Europiane për Lirinë e Shtypit dhe Medias (ECPMF), e cila kërkon që të hiqet dorë nga paditë ndaj mediave dhe gazetarëve në Shqipëri.

“Përdorimi i vazhdueshëm i kërcënimeve ligjore në Shqipëri kundër gazetarëve dhe punonjësve të medias kërcënon më tej lirinë e medias dhe shtypit dhe aftësinë për të raportuar mbi çështje me interes publik. Si pjesë e Përgjigjes së Shpejtë të Lirisë së Medias (MFRR), Qendra Evropiane për Lirinë e Shtypit dhe Medias (ECPMF) dënon këto përpjekje për të heshtur raportimin kritik përmes abuzimit të sistemit ligjor të Shqipërisë.”-e nis reagimin e saj ECPMF.

“Ndër këto kërcënime është veprimi ligjor i sjellë nga pronari me ndikim i biznesit Mirel Mërtit kundër Rrjetit Ballkanik të Gazetarisë Hulumtuese (BIRN), i cili hetoi praktikat e diskutueshme të biznesit të Mërtit dhe publikoi investigime mbi tre kontrata të Partneritetit Publik-Privat për inceneratorët e mbeturinave. Në përgjigje të punës hetimore të BIRN, Mërtiri ngriti një proces gjyqësor dhe kërkoi dëmshpërblim, ndërsa pretendoi se “gazetarët nuk kanë të drejtë të shkruajnë ose të ngrenë dyshime mbi marrëdhëniet e tij të kaluara sepse ai nuk është dënuar penalisht”.

Procedimi gjyqësor kundër BIRN nuk ishte kërcënimi i vetëm për gazetarët e lidhur me Mërtirin. Artan Rama, një gazetar dhe kineast i pavarur, botoi një histori që përfshin kompaninë Albtek Energy, e cila është e lidhur me Mirel Mërtirit. Si rezultat i raportimit të tij, Artan Rama përballet me veprime ligjore të iniciuara nga Albtek Energy për dëmtimin e reputacionit të saj, të cilat rrezikojnë më tej raportimin e Ramës, ndërsa dekurajojnë gjithashtu të tjerët nga hetimi i Mirel Mërtirit dhe drejtuesve të tjerë të biznesit me ndikim.

Si pjesë e MFRR, ECPMF dënon këto kërcënime ligjore dhe u bën thirrje të gjithë ndjekësve të heqin dorë nga veprimet e tyre ligjore pasi ato kërcënojnë qartë lirinë e medias për të gjithë gazetarët në Shqipëri. Veprimet ligjore nuk duhet të abuzohen për të mbytur gazetarinë kritike që forcon të drejtën e publikut për të ditur dhe rritur llogaridhënien demokratike.”-shkruan në reagimin e saj Qendra Europiane për Lirinë e Shtypit dhe Medias./ HistoriaIme

Graphic illustration: © Jurgena Tahiri / BIRN
In the photo: Mirel Mërtiri and Minister Arben Ahmetaj