Asambleja Këshillit të Evropës miratoi një rezolutë për mbrojtjen e të drejtave të individëve LGBTQ+ gjatë javës të kaluar. Kjo vendim i marrë me mbështetje të shumicës, rithekson përkushtimin e Asamblesë për mbajtjen e principeve të lirisë së tubimeve dhe shprehjes për të gjithë, pavarësisht orientimit seksual apo identitetit gjinor.
Rezoluta përfaqëson një qasje të zgjeruar dhe të për të adresuar sfidat që përballon komuniteti LGBTI në të gjithë Evropën. Ndër dispozitat kryesore janë thirrjet për shtetet anëtare që kanë ndaluar me ligj praktikat e konvertimit të gjinisë, të shfuqizojnë gjyqet kundër pjesëmarrjes publike , dhe të mbrojnë marshimet e PRIDE dhe demonstratat LGBTQ+.
Përveç kësaj, rezoluta thekson rëndësinë e reduktimit të gjuhës së urrejtjes dhe krimeve të urrejtjes, ndëshkimin për autorët, mbështetjen e programeve të edukimit seksual, ofrimin e vizave humanitare për aktivistët LGBTQ+ që ikin nga persekutimi, dhe trajnimin e forcave të rendit për të mbrojtur komunitetet LGBTQ+. Po ashtu, ajo propozon garantimin e aksesit për njohjen ligjore të gjinisë dhe të drejtën e martesës për çiftet.
Shqipëria, e përfaqësuar nga Znj. Etilda Gjonaj, Blerina Gjylameti, dhe Klotida Busha, luajti një rol të rëndësishëm në këtë votim duke votuar pro. Duke shpresuar që iniciativa të këtilla të sjellin ndikim konkret edhe në shoqërinë Shqiptare.
Ndërkaq kontradiktore qëndron Znj. Etilda Gjonaj e cila ka votuar pro kësaj rezolute në Asamble teksa në qëndrimet e saj në Shqipëri ka qenë referuese në konferencat e koalicionit ”Pro Familjes”. Një inciativë tërësisht kundër komunitetit LGBTQ+, drejtuar nga pastori Akil Pano. Kështu do ishte mirë që Znj. Gjoni të ishte koherente në vendimet e saj kundrejt çështjeve kaq thelbësore, duke mundësuar që rezoluta të tilla të kenë impakt të vërtetë, dhe jo votime fiktive.
Ndërsa shtetet anëtare fillojnë rrugën drejt vënies në zbatim, duhet të qëndrojnë të palëkundura në përkushtimin e tyre për të realizuar vizionin e një Evrope ku të gjithë individët trajtohen me dinjitet, respekt dhe barazi ligjore. Përmes unitetit dhe bashkëpunimit, mund të ndërtojmë një të ardhme ku të drejtat e gjithsecilit njihen plotësisht, mbrohen dhe respektohen në të gjithë kontinentin.
You may also like
