Në luftë kombi, në luftë dhe unë.

Në mes të konfliktit të gjatë dhe të dhunshëm midis Izraelit dhe Palestinës, një grup më i heshtur përballet me sfida të një tjetër spektri, komuniteti LGBTQ+. Bombardimet e shpeshta, sulmet fatale mbi njerëz dhe gjendja e vazhdueshme e tensioneve bëjnë që përjetimi i tyre të jetë më i vështirë se kurrë më parë. Ndërkohë që lufta fizike zhvillohet në rruge dhe fushë beteja, lufta për njohjen, pranimin dhe mbrojtjen e të drejtave të personave LGBTQ+ është një kamp tjetër i betejës për liri dhe drejtësi.

Në një anë të konfliktit, Izraeli shpallet si një “strehë” për individët LGBTQ+, duke u prezantuar si një shtet progresiv dhe i hapur ndaj diversitetit. Megjithatë, realiteti në Izrael nuk është aq i gjallë sa propaganda e shtetit mund ta përshfaqë. Në anën tjetër, Palestina përshkruhet si një vend i përjashtuar dhe homofobik, duke u lënë përshtypjen se asnjë person LGBTQ+ nuk mund të mbijetojë ose të jetojë në këtë vend.

Në realitet, për personat LGBTQ+ në të dy krahët e konfliktit, sfidat janë të shumta. Në rripin e Gazës, ku masakrimet dhe shkatërrimet janë të zakonshme, personat LGBTQ+ përballen me rrezikun e humbjes dhe harresës së identitetit dhe të ekspozimit ndaj homofobisë dhe transfobisë në një mjedis ku mbrojtja dhe mbështetja për ta është e pakët dhe gati-gati inekzistente. Për shkak të situatës së sigurisë dhe kufizimeve të lëvizjes, ata thonë se ndihen të izoluar dhe të nënshtruar.

Në Izrael, megjithatë, përfaqësimi i personave LGBTQ+ në shoqëri dhe institucione është më i dukshëm. Megjithatë, ka edhe sfida të mëdha për ta, përfshirë diskriminimin dhe marginalizimin në disa sfera të shoqërisë. Përveç kësaj, LGBTQ+ palestinezët që jetojnë në Izrael janë të përballur me identitet të dyfishtë dhe sfida të mëdha të përshtatjes dhe pranimit në një mjedis që shpesh e përjashton dhe diskriminon komunitetin e tyre, pak prej kombësisë e pak prej të qënurit ‘’jashtë normave shoqërore’’.

Në këtë kontekst të tensioneve dhe konfliktit, organizatat dhe iniciativat edhe pse të pakta përpiqen të ndihmojnë personat LGBTQ+ po bëjnë një punë shumë me vlerë. Ndryshimi i kulturës dhe perceptimit të shoqërisë ndaj diversitetit seksual dhe gjinor kërkon përpjekje të përbashkëta dhe angazhim të vazhdueshëm nga të gjithë aktorët e përfshirë. Qofshin ato politikë, shoqërorë apo ndërkombëtarë.

Në një kontekst më të gjerë, përveç sfidave të drejtpërdrejta që përballen nga personat LGBTQ+ në konfliktin Izrael-Palestinë, është e rëndësishme të përmenden edhe sfidat e mbijetimit dhe përfaqësimit të tyre në një mjedis kaq të ndërlikuar. Ndërkohë që unionet ndërkombëtare dhe organizatat për të drejtat e njeriut janë të angazhuara në ndihmë dhe mbështetje për personat LGBTQ+ në këtë kontekst, është thelbësore që të mos harrohet ndikimi i konfliktit dhe situatës politike në jetën dhe të drejtat e tyre, si një ndikim më i tepërt në shtypje dhe zbehje të së vërtetës.