INUK ka ndërmarrë një aksion për heqjen e reklamave pa leje në disa prej akseve rrugore të vendit. sipas një njoftimi të INUK heqja e reklamave të vendosura pa leje nga subjekte të ndryshme private është e domosdoshme pasi, është bërë në shumë raste burim për aksidente automobilistike.
Dashnor Kokonozi shkruan sot në gazetën “Mapo” për përkthimin e letërsisë së huaj në gjuhën shqipe. Dhe si shembull për këtë ka zgjedhur veprën “I Huaji” të shkrimtarit Albert Kamy, që Kokonozi thotë se e ka gjetur në Tiranë në dy përkthime: një të “Koha Ditore” me përkthyese Rajmonda Vuçinin dhe tjetri i “Vëllezërit Tafa” me përkthyes Nasi Lerën.
Auron Tare, drejtori i Agjencisë Kombëtare të Bregdetit ka sqaruar për News24 sesi qëndron puna me trarët e kalimit që u tha se u vendosën në Ksamil.Sipas tij, është e vërtetë që komuna ka vendosur të aplikojë taksë, por jo për hyrjen në Ksamil, por për parkimin e makinave në mjediset publike që administrohen nga komuna.
Sekretarja jonë e Përgjithshme Lena Ag shkruan rreth një mbledhjeje aktivistesh të të drejtave të grave në Ballkan, dhe tregimeve të tyre të shumta të sulmeve me qëllim që ti frikësojnë ato për të vazhduar punën e tyre.
Kjo shtyllë në mes të rrugës ekziston vërtet ne Drimadhes.
Që prej dy vitesh faqja “WiwiBloggs.com”, e cilia merret si pikë referimi nga shumë media ndërkombëtare për lajmet dhe sondazhet rreth festivalit Eruovision, ka krijuar një çmim të quajtur “Rona Nishliu Award”. Ky çmim i cili mban emrin e këngëtares shqiptarë nga Mitrovica, Rona Nishliu, i jepet në bazë të votave nga publiku këngëtarit që ka pasur përformancën më të mirë vokale në Eurovision.
Ish-drejtori i Shërbimit Social, Sadedin Çeliku, i ka dhënë sot një intervistë gazetës “Shekulli”. Teksa sqaron gjerë e gjatë arsyet e papunësisë dhe dështimin e politikave për zbutjen e kësaj dukurie, Çeliku vjen në një pikë që meriton vëmendje.
Ministri i Jashtëm, Ditmir Bushati, ka përjashtuar nga Konferenca e Përvitshme e Ambasadorëve tre diplomatë shqiptarë. Neritan Ceka, Mal Berisha dhe Flamur Gashi nuk do të jenë të pranishëm në takimin që do të zhvillohet në datat 4- 7 korrik.
Minitri i Brendshëm Saimir Tahiri ka prezantuar sot në Komisionin e Ligjeve projektligjin për përdorimin e armëve të zjarrit dhe atë “Për armët”. Sipas këtyre drafteve e drejta e pajisjes për shkak të detyrës do të bjerë; konkretisht kryetarët e komunave dhe gjyqtarëve nuk do të pajisen më me armë.
Mbipopullimi në sistemin e burgjeve vazhdon të jetë problematik, fatkeqësisht, edhe pas punës së lavdërueshme të Shërbimit të Provës, por edhe pas zbatimit të ligjit për amnistinë, mbipopullimi në sistemin e burgjeve vazhdon të jetë problematik. Kështu u shpreh Kreu i Prezencës së OSBE në Tiranë Florian Rauning.
Deputetja e Partisë Demokratike, Jozefina Topalli, e ftuar në “Studio e Hapur” të gazetares Eni Vasili, deklaroi se gjatë procesit të ripërtëritjes, është shmangur i gjithë zinxhiri i drejtimit të selisë blu.
*Titulli redaksional
Etleva Nallbani shkruan per revisten JAVA: A do gjejmë forcën dhe aftësinë të zbërthejmë deri në fund këtë masakër trashëgimie duke nxjerrë përgjegjësinë juridike e morale të aktorëve të saj, për tu shkëputur një herë e mirë nga korrupsioni e degradimi, apo do vazhdojmë të zvarritemi në frustrimin që sjell ky degjenerim institucional e moral ?
Durrësi si qendër urbane ka ekzistuar që gjatë periudhës arkaike, pra që në shekujt e 7-6 para k. por përveç tempujve mbi kodrat përreth, e nekropolit, fatkeqësisht të dhënat nga qyteti vetë, janë të rralla.
Eshtë e rëndësishme që bregdetit shqiptar t’i shtohen plazhet publike dhe që në to të ketë standarte dhe cilësi.
Mirëpo në lajmin që Agjencia Kombëtare për Bregdetin ka bërë publik në lidhje me ndërtimin e një plazhi të tillë, vec faktit se në Golem do ketë pika vrojtimi dhe se mund të ketë dhe një festival filmi për detin, të bie në sy fakti që në këtë plazh model janë vetëm drejtori i kësaj agjencie, z. Auron Tare dhe kryeministri (në foto të tjera që në fakt janë frame video, duken dhe kryetari i Bashkisë së Durrësit, dhe dy fëmijë në breg).
Duke filluar nga e marta, të gjithë invalidët e punës, që deri dje nuk paguanin për transportin urban, do paguajnë si gjithë qytetarët e tjerë biletën e autobusit.
Ky është vendimi i Shoqatës së Transportit, që ka hyrë në fuqi më 1 korrik.
Në një reagim për median Lëvizja Vetëvendosje është shprehur se “edhe pas vendimit të sotëm të Gjykatës Kushtetuese është e sigurtë që nuk do të këtë Qeveri Thaçi 3”.
Në reagimin e kësaj force politike, thuhet se “asnjë nga katër subjektet shqiptare të përfaqësuara në Kuvendin e Republikës së Kosovës nuk do t’i bashkohen PDK-së dhe Hashim Thaçit në qeverisje për të vazhduar regjimin e vjetër. Theksojmë edhe një herë që ndalja e regjimit të vjetër është lajmi i mirë për Kosovën”.
Vendimi i Gjykatës Kushtetuese e bën të qartë që Presidentja emëron kandidatin për Kryeministër për herë të dytë nga partia apo koalicioni i cili i ka gjasat për të marrë votat e nevojshme në Kuvend për formimin e Qeverisë. Në fillim Presidentja pritet t’i kërkojë Thacit formimin e qeverisë. Por nëse ai nuk e formon dot, atëherë një kandidat i dytë mandatohet për krijimin e qeverisë.
“Në këtë drejtim edhe vendimi i Gjykatës Kushtetues i hap rrugë ndërtimit të institucioneve në përputhje me vullnetin e shumicës së deputetëve në Kuvendin e Kosovës”, tha Vetëvendosje.
/Historia Ime, foto nga Balkan Insight/
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
