Ditët e fundit, opinioni publik u trondit nga ngjarja e ndodhur në Kavajë, ku një vajzë 13 vjeçare është përdhunuar nga 8 djem, pas një shantazhi disa mujor të ushtruar ndaj saj përmes një videoje intime midis saj dhe të dashurit.
Rasti i përdhunimit të adoleshentes para disa ditësh dhe reagimi i dobët i strukturave lokale mbi rastin, ngre sërish në vëmendje problematikën e mungesës së një edukimi gjithëpërfshirës, ku vajzat dhe djemtë edukohen si të barabartë dhe mësohen te respektojnë reciprocikisht njëri-tjetrin.
Në shkollat shqiptare është ende inekzistent edukimi seksual, kjo dhe për shkak të rezitencës nga ana e prindërve, ku fëmijët të kenë mundësi të marrin njohuritë bazë mbi trupin e tyre, seksualitetin dhe rëndësinë e konceptit të pranimit.
Reagimi qytetar ishte i ashpër, por sigurisht që theksi vendoset te institucionet dhe shoqëria, si përgjegjëse kryesore për mirëqenien e fëmijëve dhe adoleshentëve, dhe një prej këtyre institucioneve është padyshim dhe familja.
Reagimet e prindërve të adoleshentëve të akuzuar për përdhunimin, tregojnë qartë mbi vështirësitë e përballjes së këtyre individëve me opinionin e shoqërisë, më shumë sesa me realitetin dhe veprimet e fëmijëve të tyre. Në Shqipëri tema e seksualitetit dhe marrëdhënieve seksuale mbetet ende tabu, duke prodhuar lajme tronditëse si ato të ditëve të fundit. Mungesa e informacionit dhe e edukimit seksual, mund të mos kenë qenë shkatarët e ngjarjes, por padyshim kanë kontribuar jo vetëm në përkeqësimin e situatës dhe në sjelljen e djemve, por edhe në frikën e vajzës apo nxënësve të tjerë për denoncimin e rastit.
Shoqëria jonë ndodhet në një udhëkryq përsa i përket përballjes më temat e seksualitetit dhe fajësimit të vitimës, prandaj nevojitet një ndërgjegjësim më i madh mbi këto tema në mënyrë që të parandalojmë përsëritjen e ngjarjeve të tilla./k.j.
You may also like
