Asnjë para për fondin e Kombeve të Bashkuara për viktimat e helmimeve në Kosovë

Një fond i veçantë është krijuar nga Kombet e Bashkuara për viktimat e helmimeve në kampet e administruara nga UNMIK gjatë viteve të luftës, kryesisht anëtarë të minoriteteve rom, ashkali dhe egjiptian në Kosovë. Edhe pse prej dy vitesh fondi është i hapur, ende asnje shtet nuk ka kontribuar vullnetarisht në të.

Paratë e fondit presupozhohet të alokohen për anëtarët e këtyre komuniteteve si dëmshpërblim për pasojat e luftës.

Rrjeti i gazetarëve Ballkanik (BIRN) raporton se pavarësisht përpjekjeve filestare nga Sekretari i Përgjithshëm, për nxitjen e dhurimeve nga shtete dhe entitete private, sërish deri më sot ende nuk ka asnjë kontribut të derdhur.

Në reagimin e UNMIK thuhet se Sekretariati i OKB-së do vazhdojë përsëritjen e thirrjeve të Sekretarit për të inkurajuar reagime pozitive dhe dhurime.

Rreth 8.000 pjesëtarë të minoriteteve u zhvendosën gjatë luftës dhe një pjesë e tyre u caktuan në kampe të krijuara në zona të ndotura dhe të kontaminuara me mbetje toksike. Sipas Human Rights Watch, numri i personave të helmuar mund të shkojë deri në 600 individë.

Në 2016 u vendos nga një panel i OKB se vendosja e këtyre individëve në këto kampe, shkeli të drejtat e tyre duke rrezikur shëndetin dhe jetën e viktimave dhe rekomandoi marrjen e masave për kompensimin e tyre.

Fondi për mbledhjen e parave për kompensim u çel pas një viti dhe pret ende të arkëtojë dhurimet e para.

Çështja është adresuar dhe nga Parlamenti Evropian, ku 55 deputetë kanë kërkuar nga OKB marrjen e masave të menjëhershme për kompensimin financiar të viktimave./k.j