Alba Ahmetaj
Në kuadër të “Ditës Ndërkombëtare Kundër Dhunës ndaj Gruas” po mbahet një konferencë dy ditore në “Hotel Tirana International” me tematikë “Problemet e gjinisë dhe mediat”.
Me interes ishin disa nga statistikat e bëra të ditura nga drejtori i Institutit të Medias zoti Remzi Lani.
22 gra dhe vajza që kanë humbur jetën gatë vitit 2012 si pasojë e dhunës ndaj tyre nga burrat dhe asnjë nga këta dhunues nuk është dënuar.
Dhjetra pjesëtare të shoqërisë civile dhe studentë kanë kryer një marshim paqësor, ku kanë kërkuar zbatime të ligjeve dhe ndëshkim kapital për dhunuesit.
TIRANË – 7 Dhjetor 2012 – Studentë shqiptarë nga 13 shkolla të vendit moren pjesë në Konferencën e Modelit të Kombeve të Bashkuara, qe nisi sot e do te zhvillohet në Tiranë, deri me daten 9 dhjetor.
Historia Ime sjell një përmbledhje të artikujve kryesorë në disa nga gazetat më të lexuara
Pasqyra e Shtypit 7 Dhjetor 2012
“Sot ju kërkoni që qeveria t’ju dëgjojë. Ne kemi marrë një angazhim për 100 ditët e para të qeverisjes sonë… Në 100 ditët ë para të qeverisje do të anullojmë ligjin që ju zhveshi nga të drejtat në letër dhe do e bëjmë me kënaqësinë më të madhe” – u tha kreu i opozitës Rama, përfaqësuesve të personave me aftësi të kufizuar në një takim me ta gjatë ditës së sotme (në foto). Zyra e shtypit e partisë më të madhe opozitare thotë në një njoftim për media që gjatë fjalës së tij në këtë takim, Rama prezantoi programin qeverisës të kësaj partie për këtë kategori.
Në një forum të organizuar në lidhje me çështjen e pronësisë intelektuale, ambasadori amerikan në Tiranë, Aleksandër Arvizu, bëri një paralelizëm. Ai tha se pronësia intelektuale këtu vidhet njësoj si energjia, të cilën nuk e paguan gjysma e popullsisë. Ai tha se ky nuk është sistem i qëndrueshëm.
“Është pak a shumë si elektriciteti. Nuk dua të ndalem tek debati me CEZ-in, por siç e dini, problemi thelbësor me elektricitetin këtu është se gjysma e popullsisë paguan për elektricitetin, kjo përfshirë edhe agjencitë qeveritare. Dhe nëse vetëm 50 për qind e popullsisë paguan për elektricitetin kjo nuk vlen, nuk është një sistem i qëndrueshëm, dhe nuk mund të bësh biznes,” tha Arvizu.
Ndërkohë ambasadori i BE në Tiranë, Etore Sekui, tha se mbrojtja e pronësisë intelektuale është një kusht për hyrjen në BE, por në këtë drejtim Shqipëria nuk është askund.
“Marrëveshja e Stabilizim Asociimit thekson se Shqipëria duhet të marrë masat e nevojshme për të garantuar të drejtën e pronësisë intelektuale njësoj si vendet e Bashkimit Evropian deri në 1 dhjetor 2010. Fatkeqësisht nuk jemi askund,” u shpreh Sekui./TemA/
…U ndalëm më gjatë në pjesën e fundit tek “ata aty poshtë”, viktimat dhe familjarët e tyre. Më ka habitur tej mase mirësia e njerëzve që kam takuar, sinqeriteti, mikpritja. Askush nuk ka ndonjë hile a prapamendim në sjelljen e tij – sikurse kanë personazhet e pjesës së parë, “ata atje lart”. Të gjithë që kanë punuar në Gërdec kanë qenë në skajin e mbijetesës, që kanë pranuar të punojnë në ato kushte.
Nga Adrian Thano
Një nga librat që na ka lënë pas i ndjeri Ardian Klosi quhet “Katastrofa e Gërdecit”. Ka botuar aty një hetim të shoqëruar me foto e dokumenta mbi shkaqet, shkaktarët dhe viktimat e krimit shtetëror të Gërdecit. Në këtë libër ka një pjesë për 18 vjeçaren Resmije Osmani, një nga 26 viktimat e krimit, babai i së cilës, Kujtimi, u vetëvra 3 vjet më parë, ndërsa nëna, u vetëvra dje.
Shkruan Klosi: “...Tmerrin më të madh e panë ata që nuk vdiqën menjëherë, e si pakkush Resmije Osmani (Kranja nga i shoqi), edhe ajo 18-vjeçare, nëna e një foshnjeje 4-muajshe. Me shpinën krejt të djegur, si hoqi dhe rrobat e përfshira në flakë, Resmija arriti të rendë deri larg, u fut brenda një bunkeri, ku dhe i shterrën forcat. Ka ndenjur aty për 6 orë afër duke thirrur për ndihmë, derisa e kanë dëgjuar… Pas peripecish të papërfytyrueshme në ambulanca e spitale, ku njëherë e deklaruan të vdekur e pastaj të ringjallur, u dërgua të nesërmen në një spital në Itali. Dha shpirt atje pas një agonie të gjatë më 12 prill 2008...”.
Jemi ngjethur e kemi provuar ndjesi të ndryshme për Gërdecin: në fillim tronditja nga pamjet shokuese të momenteve të shpërthimit; pastaj, nga fytyrat e fëmijëve të vrarë. Më pas nga të sakatuarit në spitale (e mbani mend atë vajzën e vogël pa krah?). U revoltuam nga mashtrimet e Sali Berishës; kemi ndjerë turp kur pamë thasët me lekë që zbrazeshin në tavolinën e Bashkisë së Kamzës (e mbani mend atë zorzopëri të pashoqe?); gëlltitëm krenarinë prej psikopati të vrasësve (Gërdeci votoi për PD-në, na thanë). Na ngatërruan më tej në spiralet pa fund të gjyqeve që vetëm drejtësi nuk bënë. Pastaj u mësuam… Sot shohim Berishën, Mediun, ministrat, (për atë Zot, a mundeni t’i shihni duke qeshur??), djaj që gjejnë forcën të vijojnë jetën të qetë: “Ne e kemi harruar, harrojeni dhe ju”…
Por kockat e fëmijëve të vrarë të Gërdecit janë aty. Vetëm pak metra nga autostrada ku kalojmë përditë. Fëmijë të tretur. Fëmijë… Vetëm zbrazeni kokën 30 sekonda dhe thjesht mendoni: Fëmijë! Fëmijë o Zot, fëmijë.
Aty do varroset nesër edhe Tushe Osmani. Ne as që e marrim dot me mend vetminë e saj. As ato që ka menduar e mjera grua minutat e fundit në këtë jetë. Nuk ka më kuptim as dhimbja, pa veprim. As shkrimet në gazeta për fat të keq. Nuk mund të vazhdohet më kështu. Thjesht, nuk është më e mundur. (DITA)
Rrjeti kundër dhunës ndaj gruas marshon paqësisht në bulevardin Tiranës, diten e premte, për t’i thënë Ndal dhunës dhe krimit ndaj gruas!
Nesër (7 dhjetor), në ora 12:00, tek Kryeministria, një grup shoqatash qe promovojne dhe mbrojne te drejtat e gruas do të marshojne me sloganin: Dhuna-realitet! Vepro tani! Nesër është vone!
Historia-ime.com sjell të transkriptuar bisedën e deputetëve brenda Komisionit të Shëndetësisë në lidhje me diskutimin për ligjin “Për transplantimin e indeve, të qelizave dhe të organeve në Republikën e Shqipërisë”.
Siç kemi bërë të ditur, doktorët dhe vetë pacientët kërkojnë ndryshimin e këtij ligji pasi ai kufizon rrethin e personave që mund të jenë dhurues të një organi si veshka.
Komisioni për Punën, Çështjet Sociale dhe Shëndetësinë ka diskutuar gjatë deri sa ka arritur të miratojë ligjin “Për transplantimin e indeve, të qelizave dhe të organeve në Republikën e Shqipërisë”, por tashmë pa kaluar pak muaj nga miratimi i këtij ligji, ekspertët kërkojnë ndryshimin e tij.
Historia Ime sjell një përmbledhje të artikujve kryesorë në disa nga gazetat më të lexuara
Pasqyra e shtypit 6 Dhjetor 2012
Tushe Osmani nuk është zgjuar më këtë mëngjes pasi ka pirë një gllënjkë helmi në një shtëpi pa drita dhe pa njerëz. Dritat ia kanë fikur se s’ka para t’i paguajë, ndërsa njerëzit një nga një ia ka marrë tragjedia e Gërdecit, që vazhdon të vrasë. Vajza e saj, Resmija, vdiq duke punuar në biznesin e lobuar nga i biri i kryeministrit, për të cilën nuk u dënua askush. Më pas burri i saj nga marazi vrau veten në një moment dëshpërimi. Sot herët në mëngjes të njëjtën gjë bëri dhe ajo.
Familja e Nexhip Qepit ishte një famije krejt e zakonshme emigrante në Itali derisa i biri i tij 4-vjeçar i tregoi edukatores ndër të tjera se në shtëpi babai e puthte në pjesë intime.
Ngjarja u bë e njohur pasi edukatorja denoncoi tek karabinierët rrëfimin e fëmijës.
Në një intervistë për gazetën “Dita”, drejtori i spitalit rajonal të Gjirokastrës kërkon të merren masa për të rregulluar situatën në institucionin që ai drejton, duke kërkuar bashkëpunimin e të tjerëve.
Të dehur apo endacakë që “përplasen” dyerve të spitalit e që nuk ngurrojnë as të konfrontohen me mjekët, shkruan gazeta Dita ne versionin online te saj. Është ky shqetësimi më i madh me të cilin përballet institucioni më i madh shëndetësor në jug të vendit, spitali rajonal “Omer Nishani” në qytetin e Gjirokastrës.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
