Vetëvritet në Gërdec Tushe Osmani, nëna e Resmije Osmanit, që u vra në tragjedinë e Gërdecit. Dy vjet më parë kish vrarë veten nga dëshpërimi dhe Gazmend Osmani, burri i saj. Tragjedia bëhet e plotë kur mendon se vajza e Resmijes që vdiq në Gërdec, është sot dyfish jetime.
Dhuna ndaj grave është kthyer në një fenomen mjaft problematik jo vetëm në vendin tonë por në mbarë botën.
Për këtë arsye organizata të ndryshme ndërmarrin nisma të shumta kundër këtij fenomeni.
Fushata e organizuar nga “Un Women Commit”, e cila do të zgjasë 16 ditë, kërkon angazhimin e qartë të qeverive kundër këtij fenomeni.
Gjithashtu janë realizuar edhe disa kartolina sensibilizuese për mbështetjen e projektit.
Një nga personazhet e njohur shqiptar që është bërë pjesë e kësaj iniciative është edhe reperi i Big Basta.
Në kartolinën ku shfaqet portreti i tij shkruhet edhe diçitura “Plako! Tregoje që edhe ti je kundër dhunës ndaj grave!”.
Përveç kartolinave janë realizuar edhe spote të ndryshme sensibizuese për këtë fenomen.
(xh.k/shqiptarja.com)
Ndodhi një mbrëmje gjatë pranverës, një ditë prilli të vitit 2011: Tina Nash dhe partneri i saj Shane Jenkin bëjnë llafe me njëri tjetrin, derisa burri nis ta godasë brutalisht aq sa asaj i ra të fikët. Më pas i shtyrë nga marrëzia, ia shkul sytë nga zgavrrat duke ia lënë të varura mbi fytyrë.
Historia Ime sjell një përmbledhje të artikujve kryesorë në disa nga gazetat më të lexuara
Pasqyra i Shtypit 5 Dhjetor 2012
Gazeta IDEA, një medium tashmë serioz online që synon të informoje (I), denoncojë (D), edukojë (E) dhe argëtojë (A) ka botuar një intervistë jo profesionale, dashakeqe dhe diskriminuese (imazhi me lart).
Bëhet fjalë për intervistën me titullin “Prostitutat homoseksuale: Klientët tanë, këngëtarë të njohur në Tiranë”.
Në këtë intervistë situata është pak a shumë kështu:
Dje (e hënë, 3 dhjetor) ka patur një seancë gjyqësore dhe një gjykim të përshpjetuar ndaj dy qytetarëve të cilët akuzohen për prostitucion. Bëhet fjalë për dy djem, njëri i moshës 26 dhe tjetri i moshës 27 vjeçare, të cilët janë arrestuar në gusht të këtij viti teksa tentonin të kryenin marrëdhënie seksuale me një 55 vjeçar, kundrejt pagesës.
Dy djemtë, që gazeta IDEA i quan, duke iu referuar raporteve zyrtare të Prokurorisë si “homoseksualë”, e kanë pranuar “aktin kriminal” për të cilin akuzohen. Prokuroria ka pranuar gjykimin e shpejte dhe ka kërkuar gjobitjen e tyre me 100,000 lekë.
Janë 11, 20 % e fëmijëve të moshës 0 deri ne 18 vjeç, që jetojnë në kushte të vështira dhe në varfëri ekstreme. Fëmijët nuk ushqehen normalisht, nuk marrin shërbimet shëndetësore, nuk kanë strehim dhe as mbrojtje. Observatori për Mbrojtjen e Fëmijëve ka bërë publike shifra të sakta në të cilat ndodhen fëmijët në vend. Një në tetë fëmijë jetojnë në familje që kanë burim të vetëm të ardhurash ndihmën ekonomike.
Debatet mbi qeverisjen globale të internetit pritet të dominojnë një konferencë 12-ditore të Unionit Ndërkombëtar të Telekomunikacionit (ITU), që filloi dje në Dubai me një mijë e 500 delegatë nga gjithë bota-përfshirë përfaqësues të qeverive kombëtare, ekspertë të industrisë dhe avokatë të shoqërisë civile.
Pedagogu brilant Aleksandër Dh., e kish’ zakon të pyeste orën e parë se cilat ishin tre sendet pa asnjë funksion praktik në jetën e njeriut. E para në rradhë, sipas profesorit, pasi linte studentët të provonin inteligjencën, ishin thithkat e burrave. E dyta, testikujt e Papës. Studentët në këtë pikë synonin të kuptonin se cila ishte pjesa e tretë e trupit të njeriut që nuk duhej më sipas logjikës së përdorur. Por Aleksandër Dh., përgjigjej serbes: Sindikatat!
Për herë të parë do ta kundërshtoj pedagogun e nderuar. Pas thithkave të meshkujve e testikujve të Papës do të qëndronte Ministria e Punëve të Jashtme e Republikës së Shqipërisë. Krejt pa funksion. Nëse i interviston, 80% e shqiptarëve jo vetëm që nuk e dinë emrin e ministrit të Jashtëm por dhe nuk u duhet. Përgjigja më e shpejtë që merr është: ai i LSI-së. Ai tjetri, jo Haxhinasto.
Por nuk duhet të shihet si mungesë. Ministria e Jashtme e Republikës së Shqipërisë nuk ka asnjë plan të vetin. Ministri i Jashtëm përveç se është figurë me peshë virtuale në qeveri, nuk ka asnjë funksion real në punën e tij të përditshme. Funksionalisht ministri i Jashtëm është në rolin e një lajmësi të Kryeministrit për politikat e parapërcaktuara nga organizatat ku vendi ynë aderon.
Vota për rolin si vëzhgues i shtetit të Palestinës tregoi se si kjo Ministri mund të jetë patate e nxehtë në duart e Berishës. Vota abstenim ishte perfekte për të treguar se s’dimë nga t’ia mbajmë. Do donim të kishim dy vota, që t’ia jepnim njërën Obamës e tjetrën Erdoganit. Kemi një votë, andaj e djegim. Vëllezër palestinezë, asgjë që të ketë lidhje me ju. Shqipëria është pjesë e kolonive të konsoliduara që binden verbërisht dhe kjo i kthen në votues automatë. Ministri ynë i Jashtëm s’mund të jetë si ministri i Jashtëm francez. As si ai gjerman. As si ministri i Jashtëm i Shqipërisë në vitin ‘68, kur Shqipëria denoncoi pushtimin e Çekosllovakisë. Komunistët ishin të çmendur. S’dinin si të bënin lekë dhe e mbushnin veten me humor të zi.
Nëse mendojmë të zhdukim dhe Ministrinë siç zhdukëm ushtrinë këto vite, në emër të kursimit, do hidhnim një hap të mirë. Realisht shteti shqiptar nuk ndikon në politikën ndërkombëtare. Në politikën rajonale, roli është i telekomanduar nga organizmat e mëdha, si NATO, BE, ambasada e SHBA. Kësisoj ministri ynë i Jashtëm si ministër fiton vetëm bileta falas për të udhëtuar botën mundësisht në 1460 ditë. Si adoleshent ka fatin e madh të njohë njerëz kudo. Mund të parkojë pa frikë ku të dojë, meqënëse targa CD do ta shpëtojë nga stresi i carroattrezzi-t.
Mund të ngelen konsullatat meqë shqiptarëve në botë u duhen çertifikata, vula apostile, kaseta të Ardit Gjebresë, por Ministria është e tepërt. Ministria jonë nuk është dot as postiere, se Kryeministrin kur duan e gjejnë në telefon. Nëse s’e kapin, nisen ambasadorët dhe i përvishen në zyrë. E nëse nuk e gjejnë? Kjo nuk ndodh, se nuk ka ku të fshihet z. Kryeministër.
Ministri i Jashtëm mund të ngelej në rolin e një koordinatori për ambasadorët, dhe të ndihmësit kur Ministrisë së Integrimit t’i shtohen dokumentat për tu përkthyer në anglisht.
Por ministri i Jashtëm s’mund të jetë shqetësim serioz, tani për tani. Kemi njerëz që ushqehen me lista. Fëmijë që marrin AIDS në spitale. Një republikë që përgjohet. Një President që vendos siç do një një qeveri. Kemi spitale pa ilaçe. Kemi ÇEZ-in që mund të largohet me gjithë drita, e të na hedhë mbrapsht në shekullin e kaluar. Kemi shkolla prej kartoni. Brenda nuk ka fëmijë por ëndrra të brejtura nga moti i keq.
Ministri i Jashtëm ngelet një burrë i mirë që dhe po të dojë nuk është në kushtet që të bëjë ndryshe. Funksionet e tij janë që të na prezantojë mirë gjatë fazës së marrjes së urdhrave nga lart. Ajo që s’duhet të bëjë asnjëherë është që të shkojë në takim me vonesë. Apo të prezantohet i pahekurosur. S’duhet t’i hapet goja gjatë takimeve. Gjatë takimit është e domosdoshme që celulari të jetë në modalitet silent. Po u duk dhe mjaftueshmërisht i mallëngjyer, Mond Panariti i ka kryer të gjitha detyrat. (E thirra me emër për t’i bërë pak reklamë, që ta kujtojë dynjaja që e kish’ harruar.)
Abonetë e studentit vazhdojnë të mungojnë nëpër pikat e shitjeve, sepse ato shiten nën dorë nga vetë fatorinot, ose nga njerëz që tashmë dinë si ti fallcifikojnë.
Abonetë e përgjithshme kushtojnë 1200 lekë, kurse abonetë e studentit që dolën në tetor kushtojnë 600 lekë. Këto abone nuk blihen vetëm nga studentët por nga çdo qytetar që e gjen një mundësi për ta blerë.
Një qytetare e quajtur Tatjana, rreth moshës 50 vjeçare na thotë se abonenë e studentit e merr ngaqë kushton shumë më pak.
Historia Ime sjell një përmbledhje të artikujve kryesorë në disa nga gazetat më të lexuara
Pasqyrimi e Shtypit 4 Dhjetor 2012
Gilman Bakalli (ne foto poshte)
Pse qytetarët shqiptarë duhet të paguajnë çdo muaj një institucion, virtyti i të cilit nuk ka qenë asnjëherë shërbimi i interesit publik, porse i pushtetit të radhës?
Duket se Radio Televizioni Shqiptar vazhdon t’i ketë punët mirë. Me shtetin shqiptar të paktën. Ose, më saktë: me pushtetin e radhës. Sepse në familjet e këtij vendi zor se gjen ndonjë pensionist militant ose nostalgjik që kërkon të informohet apo zbavitet prej tij.
Associated Press (AP) rekomandon mospërdorimin e termave si homofobia, spastrimi etnik dhe islamofobia. Por studiues, akademike dhe aktivistë të ndryshëm për të drejtat e njeriut po e kritikojnë këtë politikë si të pamenduar dhe potencialisht “të lidhur me një axhendë të re ideologjike”.
Mesazhet e Papës tani mund të lexohen edhe me 140 karaktere. Benedikti XVI, 85 vjeç, tani ka një llogari në Twitter.
Krahas llogarisë @pontifex në gjuhën angleze, ka edhe shtatë llogari në gjuhë të tjera.
Lajmin e bëri të ditur Vatikani, që theksoi se mesazhet në Twitter do jenë vetëm të Papës. “Askush tjetër përveç Papës,” bëri të ditur Vatikani.
Deri pasdite Papa kishte 133 mijë ndjekës.
Por duhet pritur pak deri në mesazhin e parë, pasi mendohet se më 12 dhjetor Papa do dërgojë të parintweet.
Më pas ai edhe do u kthejë përgjigje pyetjeve që i dërgohen.
Te shumta ishin komentet edhe ne rrjetet sociale nga te rinjte shqiptare apo te tjere. Andi Kananaj, avokat dhe aktivist shkruante: Qeka Papa ne Twitter. Mungojne tani vetem Zoti dhe Berisha…
Skandal në spitalet e Tiranës. Një fëmijë vetëm 3 vjeç e gjysmë dyshohet se është infektuar me HIV/AIDS gjatë kryerjes së një operacioni në QSUT.
Këtë vit janë regjistruar katër raste të reja të fëmijëve të infektuar me virusin vdekjeprurës. Në dy prej këtyre rasteve, fëmijët e kanë marrë infeksionin nga prindërit, ndërsa dy të tjerët nëpërmjet infektimit gjatë ndërhyrjeve kirurgjikale.
Shqipëria ka shkaktuar një skandal në Eurovizionin për fëmijë. Ajo ka dërguar si përfaqësuese Izidora Gjetan, e cila ka dalë në skenë me dekolte. Organizatorët e kanë cilësuar këtë veshje si mjaft provokuese për një fëmijë dhe kanë kërkuar që ajo të ndryshojë veshje, në mënyrë që ta lejojnë të këndojë.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
