• Copyright

    <span>Copyright</span>

    © 2019 Historia Ime

May 18, 2025
Ndodhi sot
8 gra, 5 Maori, 3 pacifistë, 3 LGBT, Jacinda Ardern emëron kabinetin e larmishëm!
Isa Myzyraj Posted On 03/11/2020


Kryeministrja e Zelandës së re Jacinda Ardern ka zbuluar kabinetin e ri të larmishëm për t’u përqëndruar në shërimin e Covid-19

Kryeministrja e Zelandës së Re, Jacinda Ardern, ka sjellë në krahun e saj të djathtë, Grant Robertson, si zv.kryeministër ndërsa zbuloi një përbërje të larmishme të kabinetit të ri për t’u përqëndruar në frenimin e Covid-19 dhe rimëkëmbjen ekonomike.

 Robertson, një nga ministrat më të aftë të Ardernit dhe një aleat i ngushtë i saj, u ngarkua me shpenzimet e qeverisë në përgjigje të Covid-19.

Robertson është burri i parë gej që mban rolin e zëvëndës kryeministrit.

“Unë ende kam shumë e-maile dhe mesazhe nga të rinj homoseksualë, lezbike, biseksualë dhe transgjinorë që shikojnë drejt nesh për të siguruar atë lloj të modelit të ri,” tha ai.  “Kështu që, unë do të vazhdoj ta bëj punën time ashtu si e kam bërë, dhe jam shumë krenar që kam këtë rol.”

 Nga kabineti prej 20 anëtarësh, tetë janë gra, pesë janë nga komuniteti aborigjen Maori, tre janë nga aborigjenët Pasifika dhe tre janë LGBT.

Në një lëvizje të papritur, Nanaia Mahuta, një deputete që nga viti 1996, u emërua ministre e jashtme, duke zëvendësuar udhëheqësin e parë të Zelandës së Re Winston Peters, një populist, partia e të cilit nuk u kthye në parlament në zgjedhjet e 17 tetorit.  Deputetja e komunitetit Maori, do të bëhet ministrja e parë e jashtme femër në historinë e Zelandës së Re.

 Ardern tha që Mahuta tregoi “aftësi diplomatike që na duhen për të përfaqësuar Zelandën e Re në skenën botërore” gjatë tre viteve të fundit si ministre e qeverisjes lokale.

Kryeministrja e rizgjedhur Ardern me Ministren e Jashtme Nanaia Mahuta, pjesë e komunitetit Maori./AFP/Getty Images

 “Ajo është një person që ndërton marrëdhënie fantastike shumë, shumë shpejt dhe kjo është një nga punët kryesore në një rol të punëve të jashtme,” tha Ardern.  Mahuta tha se ajo ishte “absolutisht e privilegjuar” për të marrë detyrën.

Mahuta ishte gruaja e parë që veshi një “moko”, në parlamentin e Zelandës së Re pasi bëri tatuazhin tradicional të fytyrës Māori në 2016, dy dekada pasi u zgjodh për herë të parë.

Parlamenti i Zelandës së Re është aktualisht ndër më të larmishmit, me 10% të deputetëve LGBT, dhe gati gjysma gra./ HistoriaIme


Continue Reading
0


Ndodhi sot
Mësimi online, studentët në protestë
Redaksia Posted On 02/11/2020


Dita e sotme shënon dhe ditën e rifillimit të vitit akademik në mbarë vendin.

Ndërkohë që prej javësh njoftohej strategjia e universiteteve për organizimin e mësimit në auditorë, në respektim të masave anti-covid, javën e shkuar u njoftua se mësimi do të zhvillohet vetëm online.

Sipas një vendimi të komitetit të ekspertëve, universitetet konsiderohen si zona të larta rreziku për shtimin e infektimeve.

Vendimi nxiti reagime të shumta kundër nga ana e studentëve, sidomos nga studentët që duan të banojnë në rezidencat universitare, të cilët kanë kryer tashmë edhe pagesat e nevojshme.

E ndërsa në fjalën e saj përshëndetëse mbi vitin e ri akademik ministrja Evis Kushi ritheksoi se vendimi është i vlefshëm vetëm për muajin nëntor, me rritjen e rasteve të reja të të prekurve me Covid-19, shtohet dhe pasiguria e rikthimit në auditorë në muajt në vijim.

Kundër këtij vendimi, një grup i madh studentësh protestuan sot edhe para Ministrisë së Arsimit, duke akuzuar autoritetet për masa jo proporcionale.

Ata kërkojnë kthimin sa më shpejtë në auditor dhe ndalimin e aktivitetve të tjera publike me rrezik, në vend të mbylljes së universiteteve.

Problem mbetet dhe pagesa e tarifës, në masën e saj të plotë, për aq kohë sa mësimi zhvillohet vetëm online.

Fushata elektorale në kohë pandemie

Por pavarësisht masave parandaluese të sanksionuara nga Ministria e Shëndetësisë, partitë politike dhe përfaqësues të tyre kanë nisur takimet elektorale në qytete të ndryshme të vendit.

Takime janë zhvilluar në oborre të universiteteve, por edhe në ambjente të mbyllura, duke shtuar rrezikun e infeksioneve.

Me ndalimin e mësimit në auditor, synohet ulja e rasteve të reja me qëllim rikthimin disi në normalitet në muajt që vinë, por si mund të ndikojnë takimet elektorale në këto plane të komitetit të ekspertëve dhe autoriteteve për uljen e rasteve të infektimeve?! Mbetet ende për tu parë.


Continue Reading
0


Ndodhi sot
Ushtria e Tajvanit lejon çiftet e të njëjtit seks të martohen për herë të parë
Isa Myzyraj Posted On 30/10/2020


Dy çifte lezbike janë bërë të parat që marrin pjesë në një martesë masive ushtarake në Tajvan, i vetmi vend në Azi që ka legalizuar martesat homoseksuale.

Ushtria e Tajvanit zhvillon dasma masive çdo vit, por kjo ishte hera e parë që çiftet e të njëjtit seks marrin pjesë në një ngjarje të tillë.

Një nga çiftet e përfshira tha se ajo shpresonte se kjo do të frymëzonte “më shumë njerëz LGBT në ushtri [për] tu ngritur në këmbë”.

Rreth 4,000 çifte janë martuar që kur Tajvani legalizoi martesën e të njëjtit seks vitin e kaluar.

“Ushtria jonë është shumë mendjehapur,” i tha agjencisë së lajmeve Associated Press (AP) Chen Ying-xuan, një toger i ushtrisë që u martua me Lee Ying-ying.

“Në çështjet e dashurisë, të gjithë do të trajtohen në mënyrë të barabartë,” tha ajo.

Majorj Ëang Yi dhe partnerja e saj Meng You-mei u martuan duke mbajtur një flamur LGBTI gjatë ceremonisë.

Prindërit e zonjës Meng nuk erdhën në festë, por të dy prindërit e zonjës Ëang dhe mësuesi i saj erdhën në mbështetje të çiftit.

“Unë me të vërtetë ndiej që ky është një përparim i madh për ushtrinë,” i tha nëna e zonjës Ëang. “Ndoshta për çiftet heteroseksuale, është thjesht një

[copë]

letër, por është shumë e rëndësishme për çiftet homoseksuale.” Ushtria e Tajvanit tha se përfshirja e çifteve të të njëjtit seks në ceremoninë e këtij viti reflekton qëndrimin e saj “të ndriçuar [dhe] progresiv”. Thoshte se u dha bekimin secilit çift – pavarësisht nga preferenca e tyre seksuale.

Vitin e kaluar, tre çifte homoseksuale ishin regjistruar për të marrë pjesë në dasmat vjetore të ushtrisë. Sidoqoftë, ata përfundimisht u tërhoqën për shkak të “presionit shoqëror”, sipas mediave lokale të lajmeve që citojnë burime ushtarake.

Tajvani legalizoi martesën e gjinisë së njëjtë vitin e kaluar, megjithëse çiftet homoseksuale ende nuk gëzojnë të drejta të barabarta si çiftet heteroseksuale.

Në vitin 2017, gjykata kushtetuese e Tajvanit vendosi që çiftet e të njëjtit seks kishin të drejtë të martoheshin legalisht. Por u prit me reagim publik, me një shumicë votuesish që refuzuan legalizimin e martesave të të njëjtit seks.

Si rezultat, Tajvani tha se nuk do të ndryshojë përkufizimin e saj ekzistues të martesës në ligjin civil dhe në vend të kësaj të miratojë një ligj të veçantë për martesat e gjinisë së njëjtë.

Kjo do të thotë se çiftet e gjinisë së njëjtë përballen me disa kufizime, duke përfshirë vetëm mundësinë për t’u martuar me të huaj nga vendet ku martesa homoseksuale njihet gjithashtu. Atyre gjithashtu u lejohet të birësojnë vetëm fëmijët biologjikë të njëri-tjetrit./ HistoriaIme


Continue Reading
0


ENGLISH  / LGBTI+
The situation of the LGBTI+ community during the Covid-19 Pandemic in Albania
Redaksia Posted On 30/10/2020


This study, which aims to identify the consequences of the Covid-19 pandemic among the LGBTI community, led by the LGBTI Alliance, was conducted online through a survey completed by 228 individuals self-identified as members of the LGBTI community, as well as through the realization of various focus- groups.

The sample makes this the largest study ever conducted in Albania for the LGBTI community.
The questionnaire was published on social networks during the month of June. The answers include evidence of the consequences the pandemic has had on LGBTI people since March, when a state of emergency was declared at the national level. The questionnaire investigates vital areas such as the economy, employment, housing and security, as well as the LGBTI community’s ability to meet basic needs during the pandemic.

The results show that 47 percent of the LGBTI community are unemployed. This figure is notably higher than the figure of a preliminary World Bank study which confirmed that 38 percent of Albanians lost their jobs during the pandemic. One of the main reasons why the unemployment rate among the LGBTI community is higher than the unemployment rate of the general population in Albania, relates with the fact that the LGBTI community already suffered from a high number of systemic unemployment since before the declaration of the state of emergency. Although it has not been the aim of this study, LGBTI organizations have long identified discrimination, bullying, and the exclusion of the LGBTI community from the education system as one of the main reasons for the high unemployment rate.

30 percent of the LGBTI community has endured this crisis thanks to family support, but only 1.7 percent of them have overcome the crisis thanks to state support, despite the fact that 22 percent of them have received the war salary.

60 percent of LGBTI people say they have succeeded on their own, an encouraging figure that confirms the high level of resilience among the LGBTI community.

Focus groups developed with community members also stressed the importance of psychological and economic support for each other, turning solidarity between them into a key factor in addressing the pandemic.

Psychological counseling and food packages have been the basic needs of the LGBTI community during this time of the pandemic, a fact that gives to this reality the dimensions of an existential crisis.

The transgender community in Albania finds it very difficult to be employed, almost impossible, a fact that confirms once again that, unfortunately, even within the LGBTI community itself there is a hierarchy of marginalization, where the transgender community, which at the same time challenges more critical norms and gender stereotypes of Albanian society, remains the most discriminated.

Involvement in sex work is seen as the only way to survive by many members of the transgender community.

However, during the pandemic, some of them found it impossible to work as sex workers and as a result lost their income, necessary to meet basic needs such as food, shelter, medicine.

Even in terms of housing, the situation seems extremely difficult. It has been found that 1 in 4 LGBTI people (or 25 percent of them) are unable to provide housing.

This forces them to return to their families, a phenomenon similar in many parts of the world, a phenomenon that sociologists have called the “boomerang generation effect”.

Returning to the family in cases where the family has been aware of the sexual orientation of their children, has been followed by conflict, psychological, and physical violence.

The number of chronic diseases seems worrying. Despite their young age (graphs below) about 11.5 percent of LGBTIs who participated in this study report suffering from chronic illness. Given this difficult socio-economic situation, the LGBTI Alliance and the LGBTI Shelter took immediate action to help LGBTI people who were hit the hardest by the aftermath of the Covid-19 pandemic.

From March to September, the Alliance and the Shelter supported about 117 LGBTI people with 624 food packages. About 16 members of the LGBTI community took refuge in the LGBTI Shelter service during the period May-August (824 nights).

The Alliance and Shelter have supported through rent reimbursement 28 members of the LGBTI community (52 rents). A special focus has been paid to the health of the most vulnerable, it is why the LGBT Alliance and the LGBT Shelter have supported with medication 25 members of the LGBTI community, and 23 members of the community have received services in health centers through the mediation of organizations. During this period, 342 people were tested for sexually transmitted diseases at the LGBTI Alliance, and 473 people received counseling about STDs.

The full report you can find by clicking below:

The situation of LGBTI during Covid-19 Pandemic – AlbaniaShkarkoje

Continue Reading
0


LGBTI+
Situata e LGBTI+ gjatë pandemisë, rritje e papunësisë dhe nevojës për strehim e shërbime
Historia Ime Posted On 29/10/2020


Gjatë muajve të pandemisë, Aleanca LGBTI+ për të qenë më pranë komunitetit dhe nevojajve të tyre, realizoi një pyetësor të drejtuar individëve të komunitetit.

Me qëllim identifikimin e problematikave të krijuara prej pandemisë dhe mënyrës se si komuniteti po përballet me të, pyetësori shqyrton fusha jetike si ekonomia, punësimi, strehimi dhe siguria, si dhe mundësinë e komunitetit LGBTI për të plotësuar nevojat bazike gjatë pandemisë.

Në bazë të gjetjeve kryesore, rezulton se 47 përqind e komunitetit LGBTI janë të papunë.

Kjo shifër është dukshëm më e lartë se shifra e një studimi paraprak të Bankës Botërore, që konfirmon se 38 përqind e shqiptarëve kanë humbur punën gjatë pandemisë. Një ndër arsyet kryesore pse shifra e papunësisë mes komunitetit LGBTI është më e lartë se shifra e papunësisë së popullsisë së gjerë në Shqipëri, ka të bëjë me faktin se komuniteti LGBTI vuante nga numri i lartë i papunësisë sistemike që përpara shpalljes së gjendjes së jashtëzakonshme.

Organizatat për mbrojtjen e LGBTI e kanë identifikuar prej kohësh diskriminimin, bullizmin dhe largimin e komunitetit LGBTI nga sistemi arsimor, si një nga arsyet kryesore të numrit të lartë të papunësisë.

30 përqind e komunitetit LGBTI e ka përballuar këtë krizë falë mbështetjes së familjes, por vetëm 1.7 përqind e tyre e kanë tejkaluar krizën falë mbështetjes nga shteti, pavarësisht se pagën e luftës e kanë përfituar 22 përqind e tyre.

60 përqind e LGBTI thonë se ia kanë dalë mbanë vetë, një shifër inkurajuese që vërteton nivelin e lartë të reziliencës (aftësisë për t’u përshtatur) mes komunitetit LGBTI.

Fokus grupet e zhvilluara me anëtarë të komunitet theksuan dhe rëndësinë e mbështetjes psikologjike dhe ekonomike ndaj njëri tjetrit duke e kthyer solidaritetin mes tyre në një faktor kyç për përballimin e pandemisë.

Këshillimi psikologjik dhe paketat ushqimore kanë qenë nevojat elementare të komunitetit LGBTI gjatë kësaj kohe të pandemisë, fakt ky që i jep këtij realiteti dimensionet e një krize për ekzistencë.

Komuniteti transgjinor, dyfish i margjinalizuar

Përsa i përket komunitetit transgjinor në Shqipëri, vihet re se sa e vështirë është për personat transgjinorë që të punësohen. Në raport theksohet se brenda vetë komunitetit LGBTI+, ka një hierarki të margjinalizimit, ku komuniteti transgjinor, që njëherazi sfidon në mënyrë më kritike normat dhe stereotipet gjinore të shoqërisë shqiptare, mbetet më i diskriminuari.

Përsa i përket përpjekjeve të tyre për të mbijetuar, për shumë individë transgjinor, e vetmja mënyrë e sigurimit të të ardhurave është përfshirja në punën e seksit.

Mirëpo gjatë periudhës së pandemisë ata e kanë pasur të pamundur të punojnë si punëtore seksi dhe si rrjedhojë kanë humbur të ardhurat, e domosdoshme për të përmbushur nevojat bazike si ushqimi, strehimi, medikamentet.

Strehimi dhe shëndeti

Edhe përsa i përket strehimit situata duket tejet e vështirë. Rezulton se 1 në 4 persona LGBTI (ose 25 përqind e tyre) nuk ia del dot të sigurojë strehimin.

Kjo i detyron ata të kthehen pranë familjes së origjinës, një fenomen ky i ngjashëm në shumë vende të botës, fenomen që sociologët e kanë quajtur si “efekti i brezit boomerang” (boomerang generation).

Kthimi në familje në rastet kur familja ka qenë në dijeni të orientimit seksual të fëmijëve të tyre, është shoqëruar me konflikte, dhunë psikologjike dhe fizike.

Shqetësuese duket shifra e sëmundjeve kronike.

Pavarësisht moshës së re rreth 11.5 përqind e LGBTI+ që morën pjesë në këtë studim, raportojnë se vuajnë nga sëmundje kronike.

Nisur nga kjo situatë e vështirë social-ekonomike, Aleanca LGBTI dhe Streha LGBTI ndërmorën masa të menjëhershme për t’i ardhur në ndihmë personave LGBTI që u goditën më së shumti nga pasojat e pandemisë së Covid-19.

Mbështetja me pako ushqimore dhe testime për SST

Nga muaji Mars deri në muajin Shator Aleanca dhe Streha kanë mbështetur me 624 paketa ushqimore rreth 117 persona të komunitetit LGBTI. Rreth 16 anëtarë të komunitetit LGBTI u strehuan në shërbimin e Strehës LGBTI, gjatë periudhës Maj-Gusht (824 netë qëndrimi).

Aleanca dhe Streha kanë mbështetur përmes rimbursimit të qirasë 28 anëtarë të komunitetit LGBTI (52 qira). Një focus i veçantë i është kushtuar shëndetit të personave më vulnerabël, ndaj Aleanca LGBT dhe Streha LGBT kanë mbështetur me medikamente 25 anëtarë të komunitetit LGBTI, dhe 23 anëtarë të komunitetit kanë marrë shërbime në qendrat shëndetësore përmes ndërmjetësimit të organizatave.

Gjatë kësaj periudhe pranë Aleancës LGBTI janë testuar për sëmundje seksualisht të transmetueshme 342 persona, dhe kanë marrë këshillim rreth SST-ve 473 persona.

Për më shumë, mund të lexoni raportin e plotë në vijim.

Situata e LGBTI – Covid-19Shkarkoje

Continue Reading
0


Ndodhi sot  / Te Drejtat e Njeriut
3 minatorë gjenden të vdekur në Dibër, punëtorët në Shqipëri keqtrajtohen!
Isa Myzyraj Posted On 29/10/2020


Tre punëtorë të minierave, përkatësisht një inxhinier dhe dy minatorë kanë humbur jetën në një minierë në Dibër. Policia ka bërë të ditur se “tre shtetas që punonin në minierën e “Balgjaj”, Selishtë, kishin humbur kontaktet me familjen, ju informojmë se rreth orës 03:00 datë 29.10 2020 në thellësi të minierës në Selishtë, nga ana e grupit avari- shpëtimit, u gjetën trupat e pajetë të shtetasve, I. H., 64 vjeç, banues në Peshkopi,
F. Ç., 55 vjeç, banues në Bulqizë dhe R. R., 33 vjeç, banues në Bulqizë.
Nga veprimet hetimore të kryera dyshohet se kanë humbur jetën si pasojë e asfiksisë nga gazrat e minierës. “
Prej vitesh tanimë gjendja e minatorëve në Shqipëri, është ngritur në debatin publik ndërsa vetë minatorët herë pas here kanë denoncuar kushtet e rënda të punës në këtë sektor.
Punëtorët në vendin tonë qartazi janë të keqtrajtuar dhe për ketë mjafton të shihen naftëtarët e Ballshit.
Pa rroga, pa punë, të nëpërkëmbur e të braktisur nga shteti, naftëtarët kanë një muaj në grevë të urisë, dhe kërkojnë asgjë më shume sesa pagat e tyre të prapambetura dhe nisjen e punës./HistoriaIme


Continue Reading
0


LGBTI+  / Romë / Egjiptianë / Ashkali  / Te Drejtat e Njeriut
Raporti ECRI për Shqipërinë, përparim i ngadaltë në respektimin e të drejtave për LGBTI, romët dhe egjiptianët
Kevin Jasini Posted On 28/10/2020


Komisioni Evropian kundër Racizmit dhe Intolerancës (ECRI), i themeluar nga Këshilli i Evropës, është organ i pavarur monitorimi për të drejtat e njeriut i specializuar në çështjet e lidhura me luftën kundër racizmit, diskriminimit, ksenofobisë, antisemitizmit dhe intolerancës.

Ai përbëhet nga anëtarë të pavarur e të paanshëm të zgjedhur mbështetur në autoritetin moral dhe përvojën e tyre të spikatur në trajtimin e çështjeve që kanë të bëjnë me racizmin, ksenofobinë, antisemitizmin dhe intolerancën.

Në periudhën e gjashtë të monitorimit, që përkon me vitin 2019, nxirren në dukje sërish problematikat e pranishme ndër vite përsa i përket respektimit të të drejtave për komunitetet LGBTI+, rom dhe atë egjiptian. Në raport vihet në dukje një situatë e pandryshuar përsa i përket trajtimit të barabartë të këtyre komuniteteve dhe parandalimit apo adresimit të rasteve të gjuhës së urrejtjes.

Përsa i përket institucioneve të garantimit të të drejtave të njeriut, si Avokati i Popullit dhe Komisioneri për Mbrojtjen nga Diskriminimi, ECRI vë re një përmirësim të dukshëm në punën e tyre dhe bashkëpunimin institucional duke shtuar se dy institucionet kanë krijuar një marrëdhënie shumë efektive dhe kolegjiale. Nivelet e personelit në KMD janë rritur, përfshirë monitorimin, raportimin dhe zyrat rajonale.

“Avokati i Popullit dhe KMD-ja e kanë bërë gjuhën e urrejtjes, raciste dhe homo-/transfobike një temë të spikatur në punën e tyre, duke pranuar se ky problem duhet të zgjidhet në mënyrë efektive.”

ECRI i mirëpret këto zhvillime pozitive në Shqipëri. Megjithatë, pavarësisht nga progresi i arritur, disa çështje mbeten shqetësuese.

Sërish këto dy institucionet mbeten ende pa mbështetjen e duhur nga autoritetet qendrore, si në rastin e institucionit të Avokatit të Popullit, burimet financiare të së cilit u kufizuan gjatë vitit që lamë pas.

Përsa i përket autoriteteve qendrore, ECRI përshëndet ekzistencën e planeve kombëtare të veprimit për LGBTI+ dhe Rom e Egjiptianë, duke i konsideruar këto dokumente si një bazë e dobishme për të arritur ndryshime pozitive, por në të dy rastet, ka ende vështirësi në buxhetimin dhe implementimin e këtyre planeve. Në lidhje me planin kombëtar të veprimit mbiLGBTI+, ECRI konstaton se mbetet larg nga zbatimi i plotë dhe akoma mbeten pengesa dhe probleme të ndryshme.

Më tej, në raport shkruhet:

“Janë veçanërisht të domosdoshëm hapat në lidhje me parandalimin e diskriminimit dhe promovimin e barazisë për personat LGBTI në sektorët e shëndetësisë dhe arsimit, dhe për ndërtimin e kapaciteteve në nivelin bashkie jashtë kryeqytetit. Dënimi publik dhe kundër-përgjigjet aktive nga persona të nivelit të lartë politik, ose figura të tjera publike në përgjigje të gjuhës së urrejtjes janë jashtëzakonisht të rralla. “

Gjuha e urrejtjes, veçanërisht kundër anëtarëve të komunitetit rom dhe LGBTI, ende shpesh konsiderohet se është një tipar i pranueshëm i debateve publike.

Në lidhje me komunitetin rom dhe egjiptian, strehimi dhe aksesi në shërbime mbetet problemi kryesor. Një problem tjetër i pranishëm është segregimi dhe ndarja e fëmijëve në shkolla, fenomen i pranishëm në disa vende.

“Për më tepër, shumë romë dhe egjiptianë mbeten jashtë mundësive të formimit profesional dhe programeve aktive të punësimit të ofruar për punëkërkues të regjistruar të papunë.”, vijon raporti.

Përsa i përket njohjes së partneriteteve brenda gjinisë, në dokument u rekomandohet autoriteteve që të sigurojnë një kornizë ligjore që i jep mundësinë çifteve të të njëjtit seks, pa asnjë lloj diskriminimi, që marrëdhënia e tyre të njihet dhe mbrohet, në mënyrë që të adresojnë problemet praktike që lidhen me realitetin shoqëror në të cilin ata jetojnë.

ECRI përsërit gjithashtu rekomandimin e tij që autoritetet të ndërmarrin hapat e nevojshëm për të rregulluar procedurat e ri-caktimit të gjinisë dhe njohjen administrative të ndryshimit të emrit dhe gjinisë (përfshirë ndryshimet në dokumentet përkatëse të identitetit në një mënyrë të shpejtë, transparente dhe të arritshme) në përputhje me udhëzimin ekzistues të Këshillit të Evropës dhe jurisprudencën e Gjykatës Evropiane për të Drejtat e Njeriut.

Gjuha e Urrejtjes

Përsa i përket gjuhës së urrejtjes, mungon një sistem gjithëpërfshirës i mbledhjes së të dhënave për incidente raciste dhe homo- /transfobike të gjuhës së urrejtjes.

Personat LGBTI dhe romët shpesh janë viktima të gjuhës së urrejtjes, përfshirë këtu edhe asaj në internet. Kjo është e dukshme edhe nga rastet e raportuara pranë Komisionerit.

Si zhvillim pozitiv cilësohen masat për të rritur kapacitetin e strukturave të policisë, të cilat për anëtarët e grupeve të cenueshme shpeshherë nuk janë të besueshme. Te shumica e individëve të komuniteteve të margjinalizuara, mungon gjithashtu besimi se strukturat e Policisë do t’i marrin seriozisht ankesat e tyre dhe t’i hetojnë.

“Në këtë kontekst kërkohen urgjentisht masa për ndërtimin e besimit, veçanërisht për anëtarët e komuniteteve LGBTI dhe romë.”, rekomandohet në raport.

Një prej zhvillimeve pozitive gjatë vitit 2018, ishte miratimi i Kodit të Sjelljes nga Parlamenti, ku ndalohet përdorimi i gjuhës së urrejtjes dhe homofobike apo raciste nga deputetët, por në lidhje me dënimin e rasteve në fjalë, janë të pakta rastet e reagimeve zyrtare nga figurat publike.

ECRI rekomandon që autoritetet të dënojnë me forcë dhe publikisht incidente të gjuhës së urrejtjes, veçanërisht kundër personave LGBTI dhe romë.

Ata gjithashtu duhet të inkurajojnë figura të tjera publike të dënojnë veprime të tilla dhe të përfshihen në kundër-përgjigje.

Rekomandimet

  • Autoritetet duhet të sigurojnë që Zyra e Avokatit të Popullit të marrë burimet e nevojshme financiare dhe të personelit për të mbuluar plotësisht dhe në mënyrë të qëndrueshme të gjitha aspektet e mandatit të saj.
  • Autoritetet duhet të sigurojnë që Plani Kombëtar i Veprimit për personat LGBTI 2016-2020 është plotësisht i financuar dhe zbatuar.
  • Autoritetet duhet të marrin frymëzim nga Rekomandimi i Politikave të Përgjithshme të ECRI-t, Nr. 15, në luftën kundër gjuhës së urrejtjes dhe të dënojnë rreptësisht dhe publikisht incidente të gjuhës së urrejtjes, veçanërisht kundër personave LGBTI dhe romëve.
  • Autoritetet duhet të monitorojnë nga afër situatën në lidhje me ndarjen strukturore në të vërtetë të nxënësve romë dhe egjiptianë në shkollë; si dhe të zgjerojnë aktivitetet e formimit profesional dhe programet aktive të punësimit për romët dhe egjiptianët.
  • Autoritetet duhet të gjejnë një zgjidhje të shpejtë për krizat afatgjata të banesave që prekin komunitetet rome dhe egjiptiane në zonat e Kabashit dhe Gurit të Kuq të bashkisë Pogradec.
  • Autoritetet duhet të përfundojnë aktet nënligjore të nevojshme për Ligjin për Ndihmën Juridike dhe Ligjin për Strehimin Social.

Raportin e plotë mund ta aksesoni duke klikuar këtu.

https://m.facebook.com/story.php?story_fbid=1079689595786032&id=463155587439439

Continue Reading
0


Feminizmi
Protesta në Poloni kundër ndalimit të abortit
Redaksia Posted On 27/10/2020


Me mijëra persona kanë protestuar në Poloni kundër një vendimi të Gjykatës së Lartë, që e bën pothuajse ilegal cdo lloj aborti.

Vendimi do të thotë që abortet do të lejohen vetëm në raste të përdhunimit, inçestit ose nëse ekziston një kërcënim për jetën e gruas. Tashmë ka më pak se 2,000 aborte ligjore në vit në Poloni, dhe shumica dërrmuese ndodhin për shkak të fetuseve të keqformuara.

Grupet e të drejtave të grave vlerësojnë se deri në 200,000 procedura kryhen në mënyrë të paligjshme brenda ose jashtë vendit çdo vit.

Demonstratat vazhduan në kundërshtim me një ndalim të qeverisë për mbledhjet publike të vendosura si pjesë e masave të hartuara për të zvogëluar numrin në rritje të rasteve të koronavirusit në vend.

Vendimi i gjykatës kushtetuese është në përputhje me atë që dëshironte peshkopata Katolike Romake e Polonisë dhe partia qeverisëse e së drejtës Ligji dhe Drejtësia (PiS).

Gjykata është reformuar nga qeveria PiS dhe që atëherë është akuzuar për numërimin e shumë gjykatësve besnikë të partisë në radhët e saj.

Ndryshimet në gjykatë janë pjesë e reformave gjyqësore të diskutueshme që e kanë vënë Poloninë në një rrugë përplasjeje me BE-në lidhur me shqetësimet që ato minojnë pavarësinë e gjyqësorit dhe shtetin e së drejtës.

Pamje nga protestat në Krakovë / Getty Images

Mijëra protestues kryesisht të rinj u mblodhën të premten në mbrëmje pranë shtëpisë së Varshavës të Jarosław Kaczyński, i konsideruar ndërmjetësi i fundit i Polonisë si udhëheqës i PiS. Kordonët e policisë me veshje për trazirat bllokuan rrugën e tyre.
Protesta të mëdha pati dhe në Krakovë, ku protestuesit po lyejnë rrugët me bojë të kuqe dhe po mësyjnë kishat dhe katedralet gjatë meshave fetare, duke protestuar kundër ndikimit që kisha ka në qeverisje.

Në shumë qytete të tjera, protestuesit u mblodhën në sheshet kryesore, jashtë mjediseve të Partisë PiS ose pranë kishave.

Vendimi për abortin nxiti dënimin e menjëhershëm nga Këshilli i Evropës, organi kryesor i të drejtave të njeriut në kontinent. Komisioneri i saj për të drejtat e njeriut, Dunja Mijatović, e quajti atë “një ditë të trishtuar për Të Drejtat e Grave”.

Amnesty International dhe Human Rights Watch kanë dënuar gjithashtu vendimin. / HistoriaIme


Continue Reading
0


Ndodhi sot
66 organizata letër të hapur: Të zgjidhet menjëherë problemi i naftëtarëve të Ballshit!
Isa Myzyraj Posted On 26/10/2020


66 organizata përmes një letre të hapur, kanë kërkuar që qeveria të ndërhyrë urgjentisht për të zgjidhur problemin e naftëtarëve të Ballshit.

Organizatat kërkojnë nga qeveria që ë respektojë dhe të mbrojë të punësuarit e Rafinerisë së Ballshit, duke dëgjuar pretendimet e tyre;

Të kryejë sa më parë mbledhjen me forcë të detyrimeve financiare nga personi juridik përgjegjës për shkeljet dhe të detyrojë atë të kryejë shpërblimet e duhura në favor të naftëtarëve;  Të garantojë mjetet për jetesë për secilën familje

LETËR E HAPUR

Drejtuar

Z. Edi Rama, Kryeministër i Shqipërisë

Znj. Belinda Balluku, Ministre e Infrastrukturës dhe Energjetikës

Znj. Anila Denaj, Ministre e Financës dhe Ekonomisë

Znj. Ogerta Manastirliu, Ministre e Shëndetësisë dhe Mbrojtjes Sociale

Për dijeni:

Znj. Fiona McCluney, UN Resident Coordinator në Shqipëri

Znj. Zhulieta Harasani, Koordinatore Kombëtare, Zyra e Organizatës Ndërkombëtare të Punës

“Të merren masat e nevojshme për zgjidhjen e kërkesave të punonjësve të Rafinerisë së Naftës në Ballsh”

Prej disa ditësh shoqëria shqiptare po ndjek grevën e burrave dhe grave në Ballsh, të cilët kërkojnë të marrin pagat e papaguara nga kompania ku punonin, të fituara me djersën e ballit dhe të njohura me vendim gjyqësor nga organet e drejtësisë.

Duke ndjekur me shqetësim grevën e e tyre dhe duke u njohur me kërkesat e grevistëve, si aktiviste të shoqërisë civile dhe mbrojtëse të të drejtave të grave, sjellim në vëmendje të institucioneve përgjegjëse si vijon se:

Dinjiteti i lindur i të drejtave të barabarta dhe të patjetërsueshme të të gjithë anëtarëve të familjes njerëzore është themeli i lirisë, drejtësisë dhe paqes në botë (Deklarata Universale e të Drejtave të Njeriut);

Shqipëria aderon në të gjitha Konventat Ndërkombëtare për mbrojtjen e të drejtave të njeriut dhe ka ratifikuar konventat e Organizatës Ndërkombëtare të Punës ILO, në mënyrë të veçantë, Konventën 81, “Për inspektimin e punës”;

Organet e Shtetit shqiptar kanë detyrë të marrin masa të përshtatshme për ta mbrojtur të drejtën për punë dhe të drejtën për të siguruar mjetet e jetesës përmes punës, sikurse vendos “Pakti Ndërkombëtar për të Drejtat Ekonomike, Shoqërore dhe Kulturore”;

Shteti Shqiptar siguron të drejta të barabarta për burrat dhe gratë në fushën e Punës, sikurse është sanksionuar në “Konventën për Eliminimin e të gjitha Formave të Diskriminimit ndaj Grave” të ratifikuar nga Shqipëria në vitin 1993,

Bazuar në Kushtetutën e Shqipërisë në kuadrin e të Drejtave dhe Lirive Ekonomike e Sociale, si dhe në të gjitha aktet Ndërkombëtare si më sipër,

Bazuar në legjislacionin e punës, i cili kërkon respektimin e të drejtave të punëmarrësve nga punëdhënësit, ndër të tjera të drejtën që Punëdhënësi t’i paguajë rregullisht pagën punëmarrësit,

Bazuar në legjislacionin për inspektimin e punës, i cili parashikon se Inspektorati Shtetëror i Punës duhet të sigurojë zbatimin e dispozitave ligjore për kushtet e punës dhe për mbrojtjen e punëmarrësve në ushtrimin e profesionit të tyre, për kohëzgjatjen e punës, pagat, etj.,

Kërkojmë ndërhyrje të menjëhershme nga Shteti Shqiptar, për zgjidhjen e kërkesave të grave dhe burrave naftëtarë të Rafinerisë në Ballsh.

Kërkesat e paraqitura ngrenë dy çështje themelore:

1. Çështjen e mbrojtjes së të drejtave të njeriut dhe veçanërisht të drejtat e punëtorëve, që duhet të garantohen e mbrohen nga shteti shqiptar, të drejta të cilat në Ballsh janë shkelur rëndë.

2. Çështjen e mbrojtjes së të drejtave social-ekonomike të punonjësve të cilat shkelen nga persona juridikë privatë që veprojnë në territorin e Shqipërisë. Edhe në këto raste Shteti Shqiptar ka përgjegjësi për garantimin e këtyre të drejtave dhe mbrojtjen e punonjësve nga abuzimet, pavarësisht se kanë ardhur nga persona privatë. Problemi i marrjes së pagave nga naftëtarët është çështje që zgjidhet me fuqinë e shtetit, i cili duhet të garantojë se të drejtat në punë të shtetasve të tij janë respektuar nga punëmarrësit privatë.

E gjithë ngjarja në Ballsh tregon për shkelje të vazhdueshme të të drejtave të punëtorëve në mënyrë të veçantë, shkeljen e së drejtës për të pagë e shpërblim për punën e kryer, shkeljen e parimit të sigurisë juridike, duke mos u njohur punonjësve të drejtat e fituara, duke mos u garantuar një punë dhe duke mos i lejuar të rifillojnë punë në Rafineri, punonjësit grevistë.

Për sa më sipër, i kërkojmë Qeverise Shqiptare:

• Të respektojë dhe të mbrojë të punësuarit e Rafinerisë së Ballshit, duke dëgjuar pretendimet e tyre;

• Të kryejë sa më parë mbledhjen me forcë të detyrimeve financiare nga personi juridik përgjegjës për shkeljet dhe të detyrojë atë të kryejë shpërblimet e duhura në favor të naftëtarëve;

• Të garantojë mjetet për jetesë për secilën familje, e cila ka mbetur pa të ardhura dhe pa punë për shkaqe të pavarura nga vullneti i tyre, duke ofruar mbështetje me ndihma financiare të menjëhershme deri në rifillimin e një pune të denjë për ta.

Dialogu social dhe zgjidhja e shpejtë duhet të ofrohet menjëherë nga Qeveria. Gjendja shëndetësore e grevisteve po rëndohet dhe duhet të konsiderohet se situata e pandemisë së krijuar nga COVID-19 vë në rrezik serioz shëndetin e grevisteve.

Në pritje të zgjidhjes së shpejtë dhe pa hezitim që gratë në grevë të kthehen pranë familjeve të tyre.

1. Qendra “Aleanca Gjinore për Zhvillim”

2. Qendra Për Nisma Ligjore Qytetare

3. Rrjeti i Fuqizimit të Grave Shqiptare

4. Linja e Këshillimit për Gra e Vajza

5. Aleanca LGBT

6. Refleksione

7. Gratë në Shërbim Publik

8. QZHK “Sot për të Ardhem”

9. Qendra Psiko Sociale “Vatra”

10. Qendra Burimore e Mjedisit Shqiperi

11. Partneret Shqiperi per Ndryshim dhe Zhvillim

12. Rinia për Integrim, Aktivizim dhe Sensibilizim

13. Gruaja tek Gruaja, Shkodër

14. Shoqata Gender Paqe e Siguri

15. Qendra “Agritra-Vizion”

16. Rrjeti per Demokraci i Grave ËDN Albania

17. Qendra per Progres Rinor Kukes

18. Qendra Levizja Rinore per Demokraci Puke

19. Qendra e Zhvillimit te Shoqerise Civile, Durres

20. Epoka e Re, Fier

21. Komiteti Shqiptar i Helsinkit

22. Ne dobi te shtresave ne nevoje dhe personave me aftesi te kufizuara, Elbasan

23. IRCA ROMANIPE

24. Qendra për të Drejtat e Gruas Rome

25. Intelektualet e rinj, Shprese

26. GO2_Organizate per Planifikim te Qendrueshem Urban

27. YËCA

28. Qendra per Zhvillim dhe Promovim Social

29. Neë Impact Association

30. CRCA/ECPAT

31. Ambasada PINK

32. Grupi Shqiptar i te Drejtave te Njeriut

33. Fondacioni MUZEU I GRAVE

34. Qendra për të Drejtat në Punë

35. Streheza per gra dhe vajza

36. Qendra Rinore e Vlores

37. Forumi Civil Selenice

38. Institute for the Promotion of Social and Economic Development

39. Rromano Kham

40. Shoqata e Gruas Jona, Sarande

41. Qendra Gruaja Komuniteti Mjedisi, Roskovec

42. Qendra e Gruas “Hapa te Lehte”, Shkoder

43. Resurset ne Zhvillim

44. Qendra Traditë-Art-Libra

45. Shoqata Projekte Vullnetare Nderkombetare (PVN Albania)

46. Gruaja në Integrim, Shkodër

47. Rromani Baxt Albania

48. YMCA – Shkoder

49. Agjencia e Zhvillimit Ekonomik te Qendrueshem (SEDA)

50. Doën Syndrome Albania Foundation

51. Dea

52. Qendra per Zhvillim Bashkepunim Integrim

53. Qendra per Zhvillimin e Grave Rurale

54. Te Ndryshem &Te Barabarte

55. Observatori per te Drejtat e Femijeve dhe te Rinjve

56. Qendra Mjedisore per Zhvillim Edukim dhe Rrjetezim (EDEN)

57. Ne Dobi te Gruas Shqiptare

58. Shoqata per Integrimin e Zonave Informale, Kamez

59. MEDPAK, Librazhd

60. Qendra Shqiptare per Popullsine dhe Zhvillim

61. Shoqata Gender, Paqe e Siguri

62. Mary Ëard Loreto

63. Shoqata Disutni Albania

64. Tjeter Vizion

65. The Door

66. National Centre for Community Services


Continue Reading
0


Ndodhi sot
Reagimet Homofobike, përjashtohet nga programi në Top Channel, Shqipja!
Isa Myzyraj Posted On 23/10/2020


Pak orë pasi organizatat LGBTI+, dhe pas komenteve të shumta në rrjetet sociale, që dënonin komentet homofobike të Shqipes, një prej konkurrenteve të programit “Përputhen” në Top Channel, produksioni ka marrë vendimin që ajo të përjashtohet.

Në një reagim në faqen zyrtare në Top Channel, ky television shkruan:

Ndryshe nga se ishte programuar në fillim, ku e ftuar do të ishte një person i veçantë, emisioni i “Për’Puthen”, këtë të premte, mori një rrjedhë komplet tjetër.

Debatet e krijuara një ditë më parë, sjelljet e theksuara bullizuese dhe homofobe, kanë shtyrë produksionin që të përjashtojë pa afat nga programi Shqipen.

Moderatorja Bora Zemani, e cilësoi sjelljen e Shqipes si jo të denjë ndaj të rinjve shqiptarë, e për këtë arsye, vendimi për largimin e saj në gjykimin e produksionin, duke marrë parasysh këtu edhe reagimin e publikut, mund të cilësohet i drejtë.

“Konkurrentja Shqipe Hysenaj, në mënyrë të përsëritur ka shfaqur sjellje të papërshtatshme dhe të dënueshme në raport me moralin shoqëror, çka nuk e klasifikon atë si një model që të rinjtë duhet ta ndjekin. Duke i garantuar të gjithë shikuesit tanë të çdo moshe, se Top Channel është i vendosur të mbrojë personalitetin dhe dinjitetin e çdokujt pavarësisht bindjeve dhe orientimeve të tij fetare, politike apo seksuale ne kemi vendosur të përjashtojmë për një fat të pacaktuar Shqipen nga “Për’Puthen”. Mbrojtja e parimeve mbi të cilat ndërtohet një shoqëri e lirë moderne dhe pluraliste, është më e rëndësishme se audienca e çdo programi. Për këtë shkak i kërkuam Shqipes të kërkojë ndjesë publike duke e përjashtuar nga “PërPuthen”, tha Bora.

Të njëjtën mendim kishte dhe opinionisti Arjan Konomi, i cili tha se mbipolarizimi i sjelljes së Shqipes, ishte jo i denjë për këtë emision dhe logon që ajo përfaqëson.

“Shqipja, unë nuk dua ta kryqëzoj me atë homofobinë e saj. Por atë që ne e kemi vlerësuar si të drejtpërdrejtë ka disa gjëra negative për të cilat nuk është e përshtatshme në këtë emision televiziv. Ky bipolarizëm i sjelljes së Shqipes, e cila në një mënyrë shfaqet pozitive në prapaskenë, më pas vjen këtu dhe tregon atë ç’rregullinë, e cila rritet në mënyrë eksponenciale, pa u frenuar, logjikuar dhe arsyetuar, të bën që në një televizion televiziv të pa përshtatshëm, e theksoj edhe njëherë vendimin e drejtë të largimit të saj”, tha Arjani.

Organizatat LGBTI+, falënderojnë produksionin e programit për vendimin e drejtë, ndërsa inkurajojmë mediat që që të mos lejojnë që në hapësirën e tyre televizive të shfaqen persona që me komentet e tyre shkelin të drejtat e njeriut, dhe nxisin homofobi e diskriminim.


Continue Reading
0


Ndodhi sot
Deputetë e zyrtarë në Kosovë shfaqin hapur homofobi
Isa Myzyraj Posted On 23/10/2020


Të drejtat e njeriut, dhe vecanërisht të drejtat e komunitetit LGBTI, në Kosovë janë goditur fort javët e fundit, dhe kjo goditje ka ardhur edhe nga zyrtarë të Republikës së Kosovës, dhe deputetë të Kuvendit.

Pak ditë më parë Leonora Shabani-Bajraktari, asambleiste e Kuvendit Komunalë të Prishtinës, (Këshilltare e Komunës) duke iu referuar një video vetëdijësuese të publikuar nga Nisma e të Rinjve për të Drejtat e Njeriut – Kosovë ku promovohen të drejtat e personave LGBTI, më saktësisht martesat mes seksit të njëjtë, perms një statusi në Facebook thotë se një promovim i tillë është “i tepërt”.

Po ashtu, Më 12 tetor 2020, z. Eman Rrahmani, deputet i Kuvendit të Kosovës, del kundër ‘Paradës së Krenarisë’ me qëndrime të tilla ‘Nuk ka më mirë se të jesh prind, të thërrasë nënë, babë, vajzë, djalë, gjysh, gjyshe….! Angazhimi im politik ka tëbëjë me të ardhmen e fëmijëve tanë, angazhimi im politik bëhet për një familje ku ka nënë, babë, djalë, vajzë, gjyshe, gjysh’.

Më 21 tetor 2020, duke e parafrazuar deputetin e Partisë Demokratike të Kosovës, z. Mërgim Lushtakun i cili nga foltorja e Kuvendit të Kosovës thotë që: Shkenca ka vlerësuar që legalizimi i martesës së seksit të njëjtë do të çoj në efekte katastrofike shoqërore dhe familjare… Shumica e studiuesve bien dakord se fëmijët e rritur nga prindërit biologjik të një martese të qëndrueshme janë më të mirë sesa fëmijët në forma tjera familjare… Martesa është në mënyrë të natyrshme institucion heteroseksual. Gjithashtu, ajo çfarë mund të nxjerrim prej martesës së seksit të njëjtë është që fëmijët nuk kanë nevojë për nëna dhe baballarë dhe se martesa nuk është qëllim që të ketë foshnje. Ky model i martesës i sheh fëmijët opcional dhe të pa rëndësishëm.

Në lidhje me komente homofobike, që qartasi nxisin urrjetje dhe diskriminim, kanë reaguar edhe organizatat e Shoqërisë Civile në Kosovë, duke dënuar këto deklarata, dhe duke bërë thirrje jo vetëm për vetëprmbajtje, por duke u kërkuar partive përkatëse politike që të distancohen nga këto linja që bien ndesh me të drejtat e njeriut.

“Organizatat e shoqërisë civile, Qendra për Liri dhe Barazi (CEL), Qendra për Zhvillimin e Grupeve Shoqërore (CSGD), Nisma e të Rinjve për të Drejtat e Njeriut – Kosovë (YIHR KS), Qendra Kosovare për Studime Gjinore (QKSGj) dhe Civil Rights Defenders (CRD) besojnë që këto deklarata janë tërësisht të papranueshme dhe një veprim i tillë vetëm sa rrit mos durimin, urrejtjen e mosbesimin ndër njerëzor, ngase ofendimi, jo-toleranca i një grupi të caktuar shoqërorë nuk paraqet asnjë vlerë.”-thuhet ndër të tjera në një reagim për media.

Gjithashtu, nisur nga këto deklarata të politikanëve dhe zyrtarëve, grupet e shoqërisë Civile kanë protestuar para dy selive të partive politike, përkatësisht Lëvizjes Vetëvendosje dhe Partisë Demokratike të Kosovës./ HisoriaIme


Continue Reading
0


LGBTI+  / Ndodhi sot
Letër e hapur e organizatave LGBTI+ drejtuar Top Channel mbi gjuhën e urrejtjes në emisionin “Përputhen”
Redaksia Posted On 23/10/2020


Letër e hapur për mediat

Drejtuar: Z. Ben Blushi
                Drejtor i Top Channel

I nderuar zoti Blushi,

Në emisionin ‘’Përputhen’’, të transmetuar në datën 22/10/2020, pjesëmarrësja Shqipe Hysenaj ka përdorur gjuhë urrejtje, denigruese dhe bulluese jo vetëm ndaj një tjetër pjesëmarrësi të vetidentifikuar si biseksual, por ndaj të gjithë komunitetit LGBTI+. Hysenaj tha, ndër të tjera se: ‘’Unë do të jap mendimin tim deri në fund, derisa kjo gjë të kryqëzohet’’, Një çik krahë t’ju japësh juve shife si bëheni, prandaj nuk duhet të japësh krah dhe të drejta ty dhe të gjithë biseksualëve’’, ‘’Kjo është e pështirë’’, ‘’Kjo nuk është normale’’, ‘’Po aprovoni lloj lloj pisllëqesh’’ etj.

Prezantueses së emisonit ju kërkua disa herë nga pjesëmarrësit e tjerë të merrte masa për të ndaluar gjuhën e urrejtjes por emsioni vazhdoi duke e lejuar Shqipen të përshkallëzojë në gjuhë akoma më të dhunshme, fyese dhe denigruese.

Normalizimi dhe legjitimimi i gjuhës së urrejtjes ndaj një komuniteti në një emision të shfaqur në television kombëtar është i papranuëshëm dhe ka pasoja serioze tek të gjithë personat LGBTI+ të cilët hasin vështirësi në pranimin e vetes për shkak të bullizmit dhe diskriminimit.

Ne vlerësojmë të drejtën e çdokujt për të shprehur opinionin e vet në lidhje me tema të karakterit publik, apo privat, por nga ana tjetër besojmë edhe në rolin e pamatë të medias kombëtare,  për t’i luftuar stereotipet që mund të shkaktojnë dëme të mëdha psiko-sociale tek njerëz të viktimizuar përmes tyre, ose shpesh për t’i riprodhuar duke i përçuar ato të pafiltruara tek publiku i gjerë.

Sociologu Stewart Hall, në teorinë e tij për përfaqësimin në media, argumenton se publiku nuk është një konsumator pasiv, por mban një qëndrim aktiv kur e filtron, kur negocion mbi informacionin që merr, e kur e akomodon apo refuzon atë sipas vlerave të veta. Megjithatë, kjo nuk ia heq përgjegjësinë medias për të kryer rolin e vet edukativ, sidomos po të kemi parasysh se një rol i tille i medias kombëtare në Shqipëri është i sanksionuar edhe në legjislacionin në fuqi, si edhe në praktikat më të mira.

Po ju shkruajmë këtë letër, me kërkesën dhe shpresën se televizioni që Ju drejtoni, një televizion që ka revolucionarizuar industrinë e mas-medias në Shqipëri, nuk do ta ketë të vështirë që, mes rolit për t’i luftuar stereotipet dhe atij për t’i riprodhuar ato, do të zgjedhë të parin. Ndaj kërkojmë me respekt dhe me kurajo qytetare, që të merrni masa ndaj pjesëmarrëses Shqipe Hysenaj dhe të distancoheni nga kontenti i përcjellë në emisionin ‘’Përputhen’’ të datës 22/10/2020 duke i kërkuar ndjesë publike komunitetit LGBTI për fyerjet që u përcollën, në ekranin e televizionit qe ju drejtoni.

Duke besuar në mirëkuptimin tuaj, ju urojmë punë të mbarë dhe ju falenderojmë paraprakisht.

Me respekt,

Aleanca LGBT dhe Pro LGBT

Letër drejtuar Televizionit Top ChannelShkarkoje

Continue Reading
0


LGBTI+  / Ndodhi sot
Ndodh në natyrë, çifti gej i pinguinëve kërkojnë të bëhen prindër
Historia Ime Posted On 23/10/2020


Ndoshta të frymëzuar nga deklaratat e Papa Franceskut mbi njohjen e bashkëjetesës së çifteve të së njëjtit seks, jo vetëm personat LGBTI+, por edhe pinguinët, janë gati për të çuar përpara përpjekjet e tyre për krijimin e një familjeje.

Gazeta The Guardian raportoi ditën e mërkurë se në kopshtin zoologjik të Amersfortit në Holandë, një çift pinguinësh gej u përpoqën të vjedhin vezët e një çifti piguinesh lezbike, në saj të dëshirës së tyre të vazhdueshme për të krijuar një familje.

Ata u përpoqën të çelin vezën e një pinguineje tjetër vitin e kaluar, por pa sukses.

Pinguinët në natyrë ngrohin vezët e tyre me rradhë, ku njëri nga partnerit ngroh vezën, tjetri shkon të gjej ushqim. Janë të shumtë çiftet gej ose lezbike të pingunëve në natyrë, një shembull perfekt i homoseksualitetit në botën e kafshëve.

Përsa i përket dy pinguinëve në fjalë, ata janë çifti dominues në kopshtin zoologjik me 17 pinguinë.

Rojtari i kopshtit zoologjik Sander Drost thotë se vezët e reja gjithashtu nuk ka gjasa të çelin, duke pasur parasysh çifti nga i cili u vodhën janë dy femra pinguine dhe nuk beson që vezët të jenë të fekonduara.

Përfaqësuesi i kopshtit, Drost i tha RTV Utrecht: “Çifti femër ka të ngjarë të ndërtojë një fole të re së shpejti, me pinguinët që shumohen dy herë në vit.”

Një tjetër rojtar i kopshtit, Marc Belt gjithashtu deklaroi se: ‘Homoseksualiteti është mjaft i zakonshëm tek pinguinët, por ajo që e bën këtë çift të shquar është se ata kanë kapur një vezë.’

Çifti në fjalë, nuk janë pinguinët e parë homoseksualë të një kopshti zoologjik që janë përpjekur të ngrohin një vezë, me një çift në Valencia që arritën me sukses të bëhen prindër në gusht të këtij viti.


Continue Reading
0


Feminizmi  / Shendetesi
Vajzat e futbollit ndërgjegjësojnë për kancerin e gjirit
Alba Ahmetaj Posted On 21/10/2020


Ngjyra rozë simbolizon qetësinë e brendshme, fuqizimin, ëmbëlsinë dhe dashurinë e pakushtëzuar dhe fjongoja rozë që e shohim gjithandej gjatë muajit të tetorit, simbolizon ndërgjegjësimin ndaj kancerit të gjirit. 

Për këtë arsye, skuadrat e futbollit femëror Tirana- Partizani zhvilluan një ndeshje miqësore për ndërgjegjësimin ndaj kësaj sëmundje të rrezikshme që kryesisht prek gratë mbi moshën 45 vjeç, por fatkeqësisht mund të prekë këdo. 

Të tëra vajzat mbanin fjongo rozë dhe dhanë maksimumin e tyre gjatë ndeshjes si dhe disa mesazhe për gratë e jetës së tyre si nënat, motrat kushërirat e ato vetë. Njëra prej tyre tha se “shoqëria ka nevojë për ne që ti thonë grave, mikeshave dhe nënave tona të shtrenjta se një vizitë tek mjeku për një mamografi për të parandaluar kancerin e gjirit është e nevojshme, për një të ardhme më të shëndethme dhe jo vetëm tetori, por të tërë muajt të jenë rozë.”

Një vajzë tjetër tha: “Muaji tetor është muaji për ndërgjegjësimin për kancerin e gjirit, për të gjitha gratë dhe vajzat. Një kontroll sot, është një rrezik me pak nesër.”

Disa këshilla dhe informacione nga Instituti i Shëndetit Publik:

Çfarë është kanceri i gjirit

Kanceri i gjirit është një sëmundje ku qelizat e gjirit rriten jashtë kontrollit. Kanceri i gjirit mund të fillojë në pjesë të ndryshme të gjirit dhe mund të përhapet jashtë tij nëpërmjet enëve të gjakut dhe enëve limfatike, pra duke dhënë metastaza. Të dy sekset, si gratë ashtu edhe burrat mund të preken nga kanceri i gjirit, edhe pse ky kancer është shumë më i zakonshëm te gratë.

Faktorët e rrezikut përfshijnë:

  • Mosha-rreziku rritet me rritjen e moshës; por nga kanceri i gjirit preken dhe moshat e reja
  • Ndryshimet në disa gjene – deri 10% e kancereve të gjirit janë si rezultat i një defekti gjenetik. Gratë që kanë trashëguar këto ndryshime gjenetike janë në rrezik të lartë edhe për kancer të vezoreve.
  • Fillimin e hershëm të menstruacioneve – femrat që u fillojnë menstruacionet para moshës 12 vjeç, janë të ekspozuara ndaj hormoneve për një periudhë më të gjatë kohore, duke rritur rrezikun për kancer gjiri.
  • Fillimin e menopauzës pas moshës 55 vjeç – ashtu si fillimi i hershëm i menstruacioneve, edhe menopauza e vonshme rrit ekspozimin e femrës ndaj hormoneve për një periudhë më të gjatë kohore, duke rritur kështu rrezikun për kancerin e gjirit.
  • Shtatzënitë në moshë të madhe ose moslindjen e fëmijëve.
  • Mungesën e aktivitetit fizik.

Të qenit mbipeshë apo obeze pas menopauzës.

  • Indi i gjirit i ngjeshur/i dendur.
  • Historitë personale me kancer gjiri-femrat që kanë pasur kancer gjiri kanë më shumë gjasa për t’u prekur përsëri nga kanceri i gjirit.
  • Historitë familjare me kancer gjiri – rreziku i një gruaje për kancer gjiri është më i lartë nëse ka patur nënën, motrën, vajzën (të afërm të shkallës së parë) me kancer gjiri.
  • Alkoolpirja dhe duhanpirja.

Disa shenja që mund të jenë tregues të kancerit të gjirit janë:      

  • Një gjëndër apo një kokërr në gji ose nën sqetull. Shumë faktorë mund të shkaktojnë gjëndra në gjoks duke përfshirë edhe kancerin, por jo çdo gjëndër në gji është kancer.
  • Trashje ose ënjtje e një pjese të gjirit.
  • Ndryshime të lëkurës së gjirit-skuqje, plagë apo dëmtime të tjera të lëkurës së gjirit.
  • Skuqje, çarje apo trashje e lëkurës përreth thithit të gjirit, gropëzim i thithit të gjirit.
  • Rrjedhje nga gjiri përveç qumështit të gjirit, duke përfshirë edhe gjakun.
  • Çdo ndryshim në madhësinë apo formën e gjirit.
  • Dhimbje në gji.
  • Fryrje apo ënjtje e krahut nga njëra anë-disa herë kanceri i gjirit mund të përhapet edhe në gjëndrat limfatike nën krah dhe të shkaktojë fryrje apo ënjtje të tij. Prandaj, gjëndrat limfatike të ënjtura duhen konsideruar një shenjë e mundshme e kancerit të gjirit.
  • Çdo ndryshim tjetër i pazakontë në gji.

Kanceri i gjirit mund të zbulohet me disa mënyra kontrolli si:

  • Vetëkontrolli mujor i gjirit
  • Ekzaminimi klinik i gjirit nga një personel shëndetësor
  • Mamografia
  • Eko e gjirit

A.A.


Continue Reading
0


Ndodhi sot
Papa Françesku bekon bashkimet civile të të njëjtit seks: Janë fëmijë të Zotit!
Isa Myzyraj Posted On 21/10/2020


Për herë të parë që nga marrja e rolit papnor, kreu i Kishës Katolike, Papa Françesku ka miratuar bashkimet civile mes çifteve të të njëjtit seks. Miratimi erdhi pas dokumentarit me metrazh të gjatë të titulluar “Francesco”, i cili sot pati premierën në Festivalin e Filmit në Romë.

Filmi shtjellon çështjet që Papës i interesojnë më shumë, duke përfshirë mjedisin, varfërinë, migracionin, pabarazinë racore dhe të ardhurat, si dhe njerëzit më të prekur nga diskriminimi.

Sipas deklaratave të regjisorit, në një nga intervistat e tij në dokumentar, Papa thotë:

Homoseksualët kanë të drejtë të jenë në një familje. Ata janë fëmijë të Zotit. Ajo që duhet të kemi është një ligj i bashkimit civil.”

Ai ka shtuar se do të luftojë për njohjen e tyre brenda Kishës, edhe pse dihet se rezistenca kundër martesave brenda gjinisë është ende shumë e madhe.

Që prej përzgjedhjes së tij, Papa Francesku është etiketuar si më “liberal” se paraardhësit e tij, duke synuar të afrojë besimtarët e thjeshtë në Kishë e duke pranuar se besimtarët vinë nga komunitete të ndryshme që nuk duhen diskriminuar.

Ende nuk ka një reagim zyrtar nga Vatikani mbi këto deklarata.

/ HistoriaIme


Continue Reading
0