Presidenti i Gambias, Yahya Jammeh ka folur në lidhje me disa mendime të vetat në lidhje me HIV Aids, madje siç ka ndodhur edhe më parë, ka ripërsëritur i bindur tezën se ai vetë mund të shërojë pacientët me këtë virus, përmes përdorimit të mjekësisë alternative.
Shumë gazetarë shqiptarë janë mbledhur para kryeministrisë në mbështetje të grevës së urisë të ish-të burgosurve. Mes tyre, Gjergj Erebara, Andrea Stefani, Iris Luarasi, Mustafa Nano, Ilir Yzeiri, Enton Abilekaj, Mero Baze, Alban Dudushi, dhe shumë gazetarë të tjerë që mbulojnë grevën e urisë në gazeta e tv. Ata hodhën firmat mbi një tabelë ku shkruhej SOS e që u la te këmbët epolicëve që ishin bërë gardh para shkallëve të kryeministrisë.
Zgjohem me sy të fryrë dhe i lodhur nga qindra ëndrra pa lidhje me njëra-tjetrën, që unë nuk i mbaj mend. Shkoj në kuzhinë dhe i them sime mëje: Do të filloj punë!
Jam 16 vjeç.
Nuk dëgjoj fare se çfarë më thotë ajo, por ndjeva se u prek. Ose u mallëngjye. Ose u frikësua. Ose asnjëra nga këto! Po diçka ndodhi tek ajo, pasi me një fjali kaq të vogël e me një vendim kaq të papritur, e bëra të kuptojë se jeta ikën dhe fëmijët rriten…
Media shqiptare nxjerr çdo ditë në meidan krime makabre, por bashkë me përshkrimin e panevojshëm të detajeve, tregojnë në një farë mënyrë paaftësinë apo mefshtësinë e autoriteteve që merren me hetimin.
Plot gjysëm faqeje në gazetën MAPO sot shkruhej me detaje, bazuar në burimin e policisë, se si vrasësi mund ta ketë kërkuar përmes profilit në Facebbok Aishen të dalë jashtë shtëpisë, pastaj pasi ka dalë kanë patur një konflikt, e pastaj (këtë pjesë e tregojnë edhe gazeta të tjera), vrasësi e ka shtrirë me fytyrë në tokë, i ka vënë gjurin mbi kurriz dhe me një thikë i ka therrur pa ndërprerje kokën dhe e ka lënë trupin në atë pozicion.
Me urgjencë policia ka kërkuar tabulatet telefonike por duket se s’ka gjetur gjë. Por të paktën nëpër rreshtat e gazetave kuptohet se një indikacion kryesor “fshihet” në komunikimet që vajza mund të ketë patur në Facebook. Pyetja që do të bëhej është: çfarë është bërë apo bëhet nga policia për të siguruar informacion përmes Facebook?
Ka një debat të vjetër tashmë mes Facebook dhe opinionit publik në lidhje me profilet e personave që vdesin, vriten apo humbasin jetën në një mënyrë apo në tjetrën.
Përpara disa ditësh në targetin e nazistëve të Greqisë (Agimi i Artë) ishte vete regjisori shqiptar Laert Vasili. Këtë herë, fiks në ditën kur Bashkimi Europian merr Nobelin për Paqe (!), targeti i partisë që bën më shumë ligj në rrugët e Greqisë se vetë policia, ka qenë komuniteti gej qe ka dashur ta shikoje kete komedi që e paraqet Jezus Krishtin dhe dishepujt e tij si pjesëtarë të komunitetit gej.
Është viti i dytë që ajo do të drejtojë emisionin “Nga e para”. Në një intervistë për GSH rrëfen realitetin me të cilin është përballur. Thotë: “Sigurisht që ne nuk e dimë që varfëria ekziston kaq shumë në këtë masë. Ne dimë që ka varfëri, ne dimë që ka familje që janë shumë të varfra, sepse i shohim në lajme, mirëpo ti e shikon nga ekrani dhe qëndron prapë e ftohtë ndaj këtij fenomeni, sepse ekrani të mban larg. E sheh 5 minuta dhe aq, rutina e jetës të merr dhe nuk e mban mendjen aty. Kurse në momentin që e prek vetë, sigurisht ndjesia është shumë e fortë”, pohon ajo.
Nga 15000 aplikime janë zgjedhur për tu ndihmuar vetëm 10 familje. Arsyeja ka të bëjë kryesisht me faktin se shtëpitë janë aq të rrënuara sa atyre nuk do t’u mjaftonin 4 ditë kohë për ti ribërë!
“Ndihem keq, sigurisht që ndihemi keq, sepse ne do të donim t’i ndihmonim të gjithë. Megjithatë mbushemi me optimizëm kur shikojmë familjet e trajtuara në program se si gëzojnë. Ne ju hapim atyre një dritare të re. Familjet e këtij viti kanë qenë të gjitha në gjendje tmerrësisht të keqe dhe ndihma jonë ka qenë jetike për ta”.
Lexoni te plote ne http://www.balkanweb.com/gazetav5/
Historia-ime.com
Gjatë një trainimi të organizuar sot për gazetarë profesionistë nga qendra ligjore Res Publica e mbështetur nga National Endowment for Democracy gazetarja e Shekullit Lindita Cela dhe gazetari i Shqip-it Gjergj Erebara bënë thirrje për të firmosur një dokument në mbështetje të grevistëve së urisë. Në këtë dokument që e firmosën të pranishmit në këtë trainim që fokusohet për lirinë e shprehjes dhe implikimet e saj në praktikë gazetarët i bëjnë thirrje qytetarëve shqiptarë të mbështesin protestën e grevistëve të urisë, dhe i kanë kërkuar kryeministrit Berisha të tërheqë fyerjet ndaj tyre dhe t’u kërkojë ndjesë për qëndrimin e mbajtur.
Dr. Ervin Pupe pedagog në Fakultetin e Drejtësisë, duke e konsideruar këtë një nismë të drejtë, u kujtoi gazetarëve edhe një fakt tjetër. U tha se duhet reaguar edhe kundrejt kolegëve të tyre, të cilët merren me lajme të tipit: “organizatori i grevës është dënuar për prostitucion” (i referohet një lajmi të nxjerrë më parë nga Gazeta 55 në lidhje me një prej grevistëve, Skënder Tufën)… ‘
E. Tela (Historia-ime.com)
Grabitjet nuk njohin moshë e sedër. Davë Dani, 70 vjeçarja nga fshati Gjoricë e Epërme e rrethit të Bulqizës, është grabitur forcërisht gjatë natës duke u gdhirë dita e enjte nga persona të maskuar. E shtruar në Spitalin Rajonal të Peshkopisë, ajo rrëfen për “Shqip”: “Më rrahën dhe më vodhën. Menjëherë pas zhurmës, në dhomë futet një person që në pamje dukej i ri, por nuk munda ta njoh, pasi ishte me çorap në fytyrë. Menjëherë u drejtua tek divani ku flija me fjalët ‘mbylle gojën, mbylle gojën’ dhe më goditi dhe ma mbylli gojën me duar, duke më ngritur e lëshuar në mes të dhomës. Pasi më lidhi litarin për fyti duke më kërcënuar se do të më mbyste, nisi të më godasë me shkelma në shpinë”.
Ajo ka rrëfyer se pasi i kanë marrë 100 mijë lekë të vjetra të pensionit, i kanë hequr nga veshët vathët e floririt dhe unazën.
“Nga dera e hapur e dhomës, gjatë kohës që po përpiqesha të fshija me këmishë gjakun që më rridhte nga buzët, munda të shoh dy persona të tjerë, të cilët edhe ato kishin çorape në fytyrë, që po kontrollonin në dy dhomat e tjera të shtëpisë, duke përmbysur çdo gjë. Pasi marrin edhe thesin e groshëve, që e kisha mbledhur në arë, ku pata fshehur 1 milion lekë të vjetra, çelin derën e shtëpisë dhe largohen”, tregon Dani.
Erjon Tela
Qendra ligjore Res Publica, e njohur sidomos për mbrojtjen ligjore që u ka bërë viktimave të Gërdecit në plot 26 padi, zhvilloi sot një trainim me gazetarë dhe juristë në lidhje me atë që do duhet të jetë kufiri se deri ku mund të prevalojë e drejta e medias dhe liria e shprehjes. Trajnimi me titull “Liria e shprehjes, nga teoria në praktikë”, me fokusin kryesor trajnimin e gazetarëve dhe profesionistëve të medias në Shqipëri, duket se kishte qenë në kohën e duhur. Në të merrnin pjesë gazetarë profesionistë të gazetave kryesore, agjencive të lajmeve dhe gazetarë nga media online perfshire nga Historia-ime.com.
Diskutimi, i mbështetur nga National Endowment for Democracy (NED) nisi në hotel Mondial me debat të fortë që në fillim, sapo u përmendën absurditete perverse në lajme të ditëve të fundit, që nga “plagët në vaginën e Nazimes” (referuar lajmeve të fundit për Nazime Vishën) e deri te mania për të gërmuar në jetën private të kryetares së re të KQZ (a është apo jo duke u divorcuar Lefterie Lleshi !!!). Altin Shegani, dekan i Fakultetit të Drejtësisë pranë Universitetit të Tiranës, mendon se “të tilla ngjarje nuk duhet të përbëjnë lajm dhe nuk mund të konsiderohen interes për publikun”. “Interes publik”, e ilustroi mendimin Dr. Shegani, “përbën përshembull mbarëvajtja e zgjedhjeve, por jo detyrimisht jeta private e kryetares së re të KQZ”.
Theodoros Alexandridis, avokat, ekspert për jurisprudencën e Gjykatës Europiane për të Drejtat e Njeriut kishte përgatitur një material të zgjeruar me rastet kur gazetarët kanë qenë në konflikt dhe u është dashur të përballen me Gjykatën për të Drejtat e Njeriut. Sipas tij “gazetarët nuk kanë vetëm të drejta të veçanta, por ata kanë gjithashtu detyrime të veçanta, të cilat nuk janë të zbatueshme për individët e tjerë që ushtrojnë të drejtën e tyre për lirinë e shprehjes”.
Lexoni shkrimin e plote ne:
Erjon Tela
Qendra ligjore Res Publica, e njohur sidomos për mbrojtjen ligjore që u ka bërë viktimave të Gërdecit në plot 26 padi, zhvilloi sot një trainim me gazetarë dhe juristë në lidhje me atë që do duhet të jetë kufiri se deri ku mund të prevalojë e drejta e medias dhe liria e shprehjes. Trajnimi me titull “Liria e shprehjes, nga teoria në praktikë”, me fokusin kryesor trajnimin e gazetarëve dhe profesionistëve të medias në Shqipëri, duket se kishte qenë në kohën e duhur. Në të merrnin pjesë gazetarë profesionistë të gazetave kryesore, agjencive të lajmeve dhe gazetarë nga media online, perfshire Historia-ime.com.
Nga Flutura Açka
Nuk mjaftuan as njëzet ditë sakrifica për njëzet qytetarë shqiptarë, ish-të përndjekur politikë, të shkundin shpërfilljen tonë. Madje as akti i vetëflijimit të Gjergj Ndrecës e Lirak Bejkos.
Pikërisht sot, kur fanfarat do të lajmërojnë festën e fitoreve tona të përgjysmëta e të vakëta, ‘gëzimin’ tonë e përtym një zjarr, të cilin, ose nuk e shohim, ose bëjmë sikur nuk e shohim, ose bëjmë sikur nuk ka lidhje me ne.
Sigurisht zëri i të ngujuarve të grevës së urisë sot, në atë çadër që na kujton turpin tonë të indiferentizmit, do të vaket nga tam-tamet e propogandës së Integrimit, por nuk ia shlyen dot kësaj Shqipërie të lodhur njollën e këtij çnderimi publik të demokracisë së saj.
Mjafton ai zjarr, i komentuar ndonjëherë edhe me cinizëm, që si qytetare, si shkrimtare të solidarizohem me një kauzë të tillë qytetare, edhe pse jam kundër ndërmarrjeve dhe sakrificave të tilla ekstreme. Pavarësish motivimit politik, apolitik, ekonomik e përtejekonomik i grevës, besoj se ka vend për t’u marrë seriozish me ta dhe kërkesat e tyre.
E kam ndjekur gjithë këto ditë me një shqetësim njerëzor e qytetar fatin e atij grupi të vogël (por që padyshim përfaqëson një grup të madh) të ish-të dënuarve të ndërgjegjes, mes tyre skenën e djegies së Gjergj Ndrecës e Lirak Bejkos, zjarr i cili nuk besoj se ka lënë ndonjë shqiptar, në thelbin e tij si qytetar, pa e prekur.
Një doktor në Kanada që në të kaluarën praktikonte metodën e elektroshokut ndaj komunitetit homoseksual, me idenë se ashtu i “shëronte” është arrestuar pasi përmes xhirimeve të bëra fshehtasi nga një telekamera u zbulua se si pas elektroshokut i ngacmonte seksualisht ose i përdhunonte.
Pas ndalimit që iu bë sot grevistëve të konsumonin ujë dhe caj, ata kanë reaguar në një deklaratë për shtyp të menjëhershme duke e shpërndarë atë përmes emailit.
Duke iu drejtuar kryeministrit ata shprehen në këtë deklaratë: “Kryeministër ti ndalosh në grevën e urisë në ditën e 21 që grevistët të marrin ujë dhe ëaj është sikur t’i kesh vrarë vet me dorën tënde. Si mjek e di fare mirë që trupi ynë i raskapitur në mungesë të lëngjeve do të japë shpirt”.
Me poshte deklarata e tyre e plote:
Një edukatore e një kopshti në Afrikën e Jugut, u kap nga policia duke transportuar plot 19 fëmijë në makinën e saj Renault Clio.
Melanie Minnie u ndalua ndërsa po e çonte të gjithë klasën e saj me fëmijë nga mosha 4 deri në 6 vjeç deri në një fast- food në një qendër tregtare.
Oficerët e policisë thanë se mbetën të habitur kur panë se ajo kishte futur 6 fëmijë në bagazh, tre në sediljen e parë dhe të tjerët në sediljet e pasme.
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.
